Quny 1 mln dollarǵa baǵalanatyn FinTech / Legaltech kompanıasynyń Shart Rate startapy jekemenshik ınvestor tarapynan 150 myń dollar ınvestısıa tarta aldy. Investor otandyq kásipker Ashat Ýsmanov bolyp tabylady, dep habarlaıdy Dalanews.kz.
"Bul qyzmetke ınvestısıa salý sebebimiz, ol "boryshkerler naryǵyn" ashyq jáne zańdy ete túsedi. Bul - qaryz berýmen aınalysatyn barlyq adam úshin qajet qural. Men ónimge jáne komandanyń kúshine senemin, ásirese joba negizin qalaýshy Temir Adenge, onyń jeke basyndaǵy jaǵdaı onyń kózqarasy men kóshbasshylyǵyn dáleldeı tústi", - dedi Ashat Ýsmanov.
Shart Rate - bul jeke jáne zańdy tulǵalar arasynda aqshalaı jáne taýarlyq mámileler boıynsha medıatıvtik kelisim jasaýǵa múmkindik beretin platforma. Árbir tranzaksıa medıatıvtik kelisimshartpen qamtamasyz etiledi, al sharttar buzylǵan jaǵdaıda paıdalanýshy AHQO-nyń Halyqaralyq tórelik ortalyǵy arqyly tórelik sheshimge júginýge múmkindik alady.
Qazaqstanda qarjylyq qatynastardyń kóleńkeli aımaǵy, mámileler zańdy quraldarsyz qolhat berý arqyly jasalatyn ári keıbiri daý-damaımen aıaqtalyp jatatyn jekemenshik naryq taǵy bar. Statısıkaǵa sáıkes, jyl saıyn myńdaǵan azamat sotta qaryz alý faktisin dáleldeı almaı aqshasynan aıyrylyp jatady. Shart Rate startapynyń negizin qalaýshy olardyń dál osy máseleni sheshetinin aıtady. Qosymsha arqyly mámile jasasý kezinde taraptar zańdy kúshi bar medıatıvtik kelisimge qol qoıylady.
