Almaty turǵyny Gúlmaira LRT qurylysy júrip jatqan aýmaqta ornatylǵan metall qorshaýdyń kóliginiń ústine qulaǵanyn aityp, merdigerlerdi salǵyrttyqqa aiyptady, dep habarlaidy dalanews.kz.
Onyń aitýynsha, oqiǵa beinetirkegishke túsip qalǵan. Kadrlarda aýyr metall qorshaýdyń arnaiy bekitkishtersiz, bir ǵana shaǵyn tasqa nemese aǵash tirekke súiep qoiylǵany kórinedi.
«Mundai aýyr konstrýktsiia eshqandai ankersiz, durys bekitýsiz turdy. Osyndai nemqurailylyqtyń saldarynan qorshaý kóligimniń ústine qulap, ony qatty zaqymdady», – deidi turǵyn.
Gúlmairanyń sózinshe, oqiǵadan keiin merdiger kompaniia keltirilgen shyǵyndy óteýden bas tartqan.
«Eń soraqysy – merdigerler muny óz kinási dep moiyndamai otyr. Eger sol sátte kóliktiń ornynda adam bolsa she? Arbamen kele jatqan áiel nemese bala bolsa ne bolar edi? Mundai qorshaý adamdy aýyr jaraqattap, tipti qazaǵa ákelýi múmkin edi», – deidi ol.
Turǵyn bul jaǵdaidy nazardan tys qaldyrmaitynyn aityp, jaýaptylardyń jaýapqa tartylýy úshin prokýratýra men sotqa júginetinin málimdedi. Alaida mundai júiemen jalǵyz kúresýdiń qiyn ekenin de jetkizdi.
