الماتى تۇرعىنى گٷلمايرا LRT قۇرىلىسى جٷرٸپ جاتقان اۋماقتا ورناتىلعان مەتالل قورشاۋدىڭ كٶلٸگٸنٸڭ ٷستٸنە قۇلاعانىن ايتىپ, مەردٸگەرلەردٸ سالعىرتتىققا ايىپتادى, دەپ حابارلايدى dalanews.kz.
ونىڭ ايتۋىنشا, وقيعا بەينەتٸركەگٸشكە تٷسٸپ قالعان. كادرلاردا اۋىر مەتالل قورشاۋدىڭ ارنايى بەكٸتكٸشتەرسٸز, بٸر عانا شاعىن تاسقا نەمەسە اعاش تٸرەككە سٷيەپ قويىلعانى كٶرٸنەدٸ.
«مۇنداي اۋىر كونسترۋكتسييا ەشقانداي انكەرسٸز, دۇرىس بەكٸتۋسٸز تۇردى. وسىنداي نەمقۇرايلىلىقتىڭ سالدارىنان قورشاۋ كٶلٸگٸمنٸڭ ٷستٸنە قۇلاپ, ونى قاتتى زاقىمدادى», – دەيدٸ تۇرعىن.
گٷلمايرانىڭ سٶزٸنشە, وقيعادان كەيٸن مەردٸگەر كومپانييا كەلتٸرٸلگەن شىعىندى ٶتەۋدەن باس تارتقان.
«ەڭ سوراقىسى – مەردٸگەرلەر مۇنى ٶز كٸنەسٸ دەپ مويىنداماي وتىر. ەگەر سول سەتتە كٶلٸكتٸڭ ورنىندا ادام بولسا شە? اربامەن كەلە جاتقان ەيەل نەمەسە بالا بولسا نە بولار ەدٸ? مۇنداي قورشاۋ ادامدى اۋىر جاراقاتتاپ, تٸپتٸ قازاعا ەكەلۋٸ مٷمكٸن ەدٸ», – دەيدٸ ول.
تۇرعىن بۇل جاعدايدى نازاردان تىس قالدىرمايتىنىن ايتىپ, جاۋاپتىلاردىڭ جاۋاپقا تارتىلۋى ٷشٸن پروكۋراتۋرا مەن سوتقا جٷگٸنەتٸنٸن مەلٸمدەدٸ. الايدا مۇنداي جٷيەمەن جالعىز كٷرەسۋدٸڭ قيىن ەكەنٸن دە جەتكٸزدٸ.
