Premer-ministr Oljas Bektenov Ulttyq ekonomika ministri Serik Jumanǵaringe aldaǵy úsh jyldyq biýdjet jobasyn profitsitpen ázirlep, Májiliske usynýdy tapsyrdy. Bul jóninde Úkimet otyrysynda belgili boldy, dep habarlaidy Dalanews.kz.
"Sizge saiasi deńgeidegi naqty mindet júkteledi — biýdjet profitsitpen usynylýy qajet. Biraq bul damý biýdjetinen bas tartý degen sóz emes. Endi esepteńiz", – dedi Úkimet basshysy.
Biýdjettiń kiris jáne shyǵys bóligi qarastyrylǵan kezde premer-ministr shynaiy valiýta baǵamyn eskerýdi jáne shyǵyndar negizdiligin muqiiat taldaýdy tapsyrdy.
Qosymsha kiris kózderi retinde salyq ákimshilendirýin jetildirý jáne salyq reformasyn iske asyrý usynylyp otyr. Serik Jumanǵarinniń aitýynsha, bul sharalar biýdjetke qosymsha shamamen 2 trillion teńge túsirýi múmkin.
Oljas Bektenov salyq reformasynyń basty maqsaty – biýdjettiń kiris bóligin arttyrý ekenin basa aitty.
