Memleket basshysy Qasym-Jomart Toqaev Bolgariia Prezidenti Rýmen Radevtiń Qazaqstanǵa jasaǵan resmi sapary eki eldiń strategiialyq áriptestigin jańa deńgeige kóterip, ekonomikalyq bailanystarǵa tyń serpin beretinin atap ótti, dep habarlaidy Dalanews.kz.
«Bul sapar Qazaqstan men Bolgariianyń 30 jyldan asa jalǵasyp kele jatqan ózara senim men qurmetke negizdelgen bailanysynyń jańa kezeńin bastaidy. Bolgariia – biz úshin senimdi dos ári mańyzdy strategiialyq seriktes. Degenmen saýda men investitsiia salasynda igerilmei jatqan múmkindik mol. Osy áleýetti iske asyrý úshin Qazaqstan-Bolgariia úkimetaralyq komissiiasynyń jumysyna úlken mán beremiz», – dedi Qasym-Jomart Toqaev.
Prezidenttiń pikirinshe, eki eldiń ekonomikalyq yntymaqtastyǵyn damytýda úsh negizgi basym baǵyt bar. Sonyń birinshisi – kólik-logistika infraqurylymy.
«Qazaqstan men Bolgariianyń geografiialyq ornalasýy biregei artyqshylyq beredi. Biz Eýraziianyń ortasynda ornalasqandyqtan, qurlyqaralyq tasymalda sheshýshi ról atqaramyz. Qazirdiń ózinde Eýropa men Qytai arasynda qurlyq arqyly tasymaldanatyn júktiń 85 paiyzy Qazaqstan aýmaǵy arqyly ótýde. Sońǵy jyldary Orta dáliz infraqurylymyn damytýǵa basymdyq berdik. Jańa temirjol jelileri, qurǵaq porttar men logistikalyq ortalyqtardyń arqasynda byltyr Orta dáliz arqyly júk tasymaly kólemi 62 paiyzǵa ósip, 4,5 million tonnaǵa jetti.
Bul – dálizdiń strategiialyq mańyzynyń artyp kele jatqanynyń naqty dáleli. Biz 2028 jylǵa qarai júk tasymalyn 10 million tonnaǵa deiin jetkizýdi kózdep otyrmyz. Osy rette Bolgariianyń Qara teńizdegi eń iri porty – Býrgastyń Orta dálizge qosylýy eki eldiń logistikalyq yntymaqtastyǵyna qýatty serpin berer edi», – dedi Memleket basshysy.
