مەملەكەت باسشىسى قاسىم-جومارت توقاەۆ بولگارييا پرەزيدەنتٸ رۋمەن رادەۆتٸڭ قازاقستانعا جاساعان رەسمي ساپارى ەكٸ ەلدٸڭ ستراتەگييالىق ەرٸپتەستٸگٸن جاڭا دەڭگەيگە كٶتەرٸپ, ەكونوميكالىق بايلانىستارعا تىڭ سەرپٸن بەرەتٸنٸن اتاپ ٶتتٸ, دەپ حابارلايدى Dalanews.kz.
«بۇل ساپار قازاقستان مەن بولگارييانىڭ 30 جىلدان اسا جالعاسىپ كەلە جاتقان ٶزارا سەنٸم مەن قۇرمەتكە نەگٸزدەلگەن بايلانىسىنىڭ جاڭا كەزەڭٸن باستايدى. بولگارييا – بٸز ٷشٸن سەنٸمدٸ دوس ەرٸ ماڭىزدى ستراتەگييالىق سەرٸكتەس. دەگەنمەن ساۋدا مەن ينۆەستيتسييا سالاسىندا يگەرٸلمەي جاتقان مٷمكٸندٸك مول. وسى ەلەۋەتتٸ ٸسكە اسىرۋ ٷشٸن قازاقستان-بولگارييا ٷكٸمەتارالىق كوميسسيياسىنىڭ جۇمىسىنا ٷلكەن مەن بەرەمٸز», – دەدٸ قاسىم-جومارت توقاەۆ.
پرەزيدەنتتٸڭ پٸكٸرٸنشە, ەكٸ ەلدٸڭ ەكونوميكالىق ىنتىماقتاستىعىن دامىتۋدا ٷش نەگٸزگٸ باسىم باعىت بار. سونىڭ بٸرٸنشٸسٸ – كٶلٸك-لوگيستيكا ينفراقۇرىلىمى.
«قازاقستان مەن بولگارييانىڭ گەوگرافييالىق ورنالاسۋى بٸرەگەي ارتىقشىلىق بەرەدٸ. بٸز ەۋرازييانىڭ ورتاسىندا ورنالاسقاندىقتان, قۇرلىقارالىق تاسىمالدا شەشۋشٸ رٶل اتقارامىز. قازٸردٸڭ ٶزٸندە ەۋروپا مەن قىتاي اراسىندا قۇرلىق ارقىلى تاسىمالداناتىن جٷكتٸڭ 85 پايىزى قازاقستان اۋماعى ارقىلى ٶتۋدە. سوڭعى جىلدارى ورتا دەلٸز ينفراقۇرىلىمىن دامىتۋعا باسىمدىق بەردٸك. جاڭا تەمٸرجول جەلٸلەرٸ, قۇرعاق پورتتار مەن لوگيستيكالىق ورتالىقتاردىڭ ارقاسىندا بىلتىر ورتا دەلٸز ارقىلى جٷك تاسىمالى كٶلەمٸ 62 پايىزعا ٶسٸپ, 4,5 ميلليون تونناعا جەتتٸ.
بۇل – دەلٸزدٸڭ ستراتەگييالىق ماڭىزىنىڭ ارتىپ كەلە جاتقانىنىڭ ناقتى دەلەلٸ. بٸز 2028 جىلعا قاراي جٷك تاسىمالىن 10 ميلليون تونناعا دەيٸن جەتكٸزۋدٸ كٶزدەپ وتىرمىز. وسى رەتتە بولگارييانىڭ قارا تەڭٸزدەگٸ ەڭ ٸرٸ پورتى – بۋرگاستىڭ ورتا دەلٸزگە قوسىلۋى ەكٸ ەلدٸڭ لوگيستيكالىق ىنتىماقتاستىعىنا قۋاتتى سەرپٸن بەرەر ەدٸ», – دەدٸ مەملەكەت باسشىسى.
