Prezident – Joǵarǵy Bas qolbasshy Qasym-Jomart Toqaev Qorǵanys ministrliginiń basshylyq quramymen arnaiy keńes ótkizip, áskerdiń jaýyngerlik qabiletin arttyrýǵa qatysty birqatar mańyzdy tapsyrma berdi, dep habarlaidy Dalanews.kz.
Kezdesý barysynda Memleket basshysy Qarýly Kúshterdiń joǵary qolbasshylyǵyna basymdyq beretin negizgi mindetterdi atap ótti.
Atap aitqanda, Prezident qorǵanys salasyndaǵy basqarý júiesin ońtailandyrý, áskerlerdiń qurylymyn jetildirý, rezervtegi áskeri qyzmet institýtyn kúsheitý jáne arnaiy operatsiialar kúshterin damytý máselelerine toqtaldy. Sonymen qatar aýmaqtyq qorǵanys júiesin qalyptastyrýdyń mańyzyna erekshe nazar aýdardy.
Qasym-Jomart Toqaev qorǵanys salasyn tsifrlandyrýǵa jáne zamanaýi áskeri tehnologiialarǵa, onyń ishinde jasandy intellekt múmkindikterin paidalanýǵa shaqyrdy.
Prezident ásker qatarynda qyzmet etý úshin tartymdy ári qolaily jaǵdai jasaýmen qatar, sarbazdar men ofitserlerdiń jaýapkershiligin arttyrý, olardyń kásibi biliktiligi men básekege qabilettiligin joǵarylatý qajet ekendigin basa aitty.
Memleket basshysy áskerilerdiń ómiri men densaýlyǵyn saqtaý komandirlerdiń basty mindeti bolýy tiis ekendigin qadap eskertti.
"Áskeri qyzmetshilerdiń ómiri men densaýlyǵyn saqtaý – komandirler men basshylyq quramnyń barlyq deńgeiindegi jumystyń negizgi basymdyǵyna ainalýy tiis", – dedi Prezident.
Eske salaiyq, buǵan deiin Memleket basshysynyń Jarlyǵymen Dáýren Jumataiuly Qosanov Qazaqstan Respýblikasynyń Qorǵanys ministri bolyp taǵaiyndalǵan edi.
