پرەزيدەنت – جوعارعى باس قولباسشى قاسىم-جومارت توقاەۆ قورعانىس مينيسترلٸگٸنٸڭ باسشىلىق قۇرامىمەن ارنايى كەڭەس ٶتكٸزٸپ, ەسكەردٸڭ جاۋىنگەرلٸك قابٸلەتٸن ارتتىرۋعا قاتىستى بٸرقاتار ماڭىزدى تاپسىرما بەردٸ, دەپ حابارلايدى Dalanews.kz.
كەزدەسۋ بارىسىندا مەملەكەت باسشىسى قارۋلى كٷشتەردٸڭ جوعارى قولباسشىلىعىنا باسىمدىق بەرەتٸن نەگٸزگٸ مٸندەتتەردٸ اتاپ ٶتتٸ.
اتاپ ايتقاندا, پرەزيدەنت قورعانىس سالاسىنداعى باسقارۋ جٷيەسٸن وڭتايلاندىرۋ, ەسكەرلەردٸڭ قۇرىلىمىن جەتٸلدٸرۋ, رەزەرۆتەگٸ ەسكەري قىزمەت ينستيتۋتىن كٷشەيتۋ جەنە ارنايى وپەراتسييالار كٷشتەرٸن دامىتۋ مەسەلەلەرٸنە توقتالدى. سونىمەن قاتار اۋماقتىق قورعانىس جٷيەسٸن قالىپتاستىرۋدىڭ ماڭىزىنا ەرەكشە نازار اۋداردى.
قاسىم-جومارت توقاەۆ قورعانىس سالاسىن تسيفرلاندىرۋعا جەنە زاماناۋي ەسكەري تەحنولوگييالارعا, ونىڭ ٸشٸندە جاساندى ينتەللەكت مٷمكٸندٸكتەرٸن پايدالانۋعا شاقىردى.
پرەزيدەنت ەسكەر قاتارىندا قىزمەت ەتۋ ٷشٸن تارتىمدى ەرٸ قولايلى جاعداي جاساۋمەن قاتار, ساربازدار مەن وفيتسەرلەردٸڭ جاۋاپكەرشٸلٸگٸن ارتتىرۋ, ولاردىڭ كەسٸبي بٸلٸكتٸلٸگٸ مەن بەسەكەگە قابٸلەتتٸلٸگٸن جوعارىلاتۋ قاجەت ەكەندٸگٸن باسا ايتتى.
مەملەكەت باسشىسى ەسكەريلەردٸڭ ٶمٸرٸ مەن دەنساۋلىعىن ساقتاۋ كومانديرلەردٸڭ باستى مٸندەتٸ بولۋى تيٸس ەكەندٸگٸن قاداپ ەسكەرتتٸ.
"ەسكەري قىزمەتشٸلەردٸڭ ٶمٸرٸ مەن دەنساۋلىعىن ساقتاۋ – كومانديرلەر مەن باسشىلىق قۇرامنىڭ بارلىق دەڭگەيٸندەگٸ جۇمىستىڭ نەگٸزگٸ باسىمدىعىنا اينالۋى تيٸس", – دەدٸ پرەزيدەنت.
ەسكە سالايىق, بۇعان دەيٸن مەملەكەت باسشىسىنىڭ جارلىعىمەن دەۋرەن جۇماتايۇلى قوسانوۆ قازاقستان رەسپۋبليكاسىنىڭ قورعانىس مينيسترٸ بولىپ تاعايىندالعان ەدٸ.
