Oral qalasyndaǵy Táýelsizdik monýmenti janynda Jumysshy mamandyqtar jyly aiasynda uiymdastyrylǵan «Altaidan Oralǵa deiin» respýblikalyq velosherýiniń jabylý rásimi ótti,- dep habarlaidy Dalanews.kz
Is-sharaǵa QR Týrizm jáne sport ministrligi Sport jáne dene shynyqtyrý isteri komitetiniń ókili Azamat Orazov, sondai-aq Batys Qazaqstan oblysynyń sport jáne bilim basqarmalarynyń basshylary Baqdáýlet Sábitov pen Eldos Safýllin qatysty.
Velosherýdi memlekettik organdardyń ókilderi, stýdentter, qala turǵyndary men velosport jankúierleri de qoldap, qatysýshylarǵa qoshemet kórsetti.
Azamat Orazov respýblikalyq velosherýdiń jastar arasynda salamatty ómir saltyn nasihattaý jáne óskeleń urpaqtyń jumysshy mamandyqtaryna degen qyzyǵýshylyǵyn arttyrý baǵytynda mańyzdy bastama ekenin atap ótti.
Eske sala keteiik, Memleket basshysynyń tapsyrmasyna sáikes, 2025 jyl – Jumysshy mamandyqtar jyly dep jariialanǵan bolatyn. «Altaidan Oralǵa deiin» velosherýi eńbekke degen qurmettiń jarqyn úlgisine ainalyp, jumysshy mamandyqtarynyń oń imidjin qalyptastyrýǵa úles qosty. Mundai bastamalar tehnikalyq jáne óndiristik salalarǵa jastardyń qyzyǵýshylyǵyn arttyryp, eldiń turaqty damýyna áser etedi.
