Telejúrgizýshi Anna Danchenko ánshiniń toiyn onlain kórý nege aqyly ekenin túsindirdi, dep habarlaidy Dalanews.kz.
Aitýynsha, bul qadam qarjylai paida tabý úshin emes, tehnikalyq shyǵyndardy óteý úshin jasalǵan.
"Toidy tikelei efirde kórsetý arnaiy kelisimmen júzege asady jáne ol qyzmet aqyly. Jinalǵan qarjy Sákenniń jeke kirisi emes, transliatsiiaǵa jumyldyrylǵan túsirý toby men server shyǵyndaryn óteýge baǵyttalady", – dep túsindirdi Danchenko.
Ol sondai-aq onlain efirge qosylý quny 1380 teńge ekenin aityp, bul somany simvoldyq tólem retinde baǵalady.
Aita keteiik, tanymal ánshi Sáken Maiǵaziev kópshilikti uly Ádilet pen kelini Ádiianyń úilený toiyn onlain kórýge shaqyrdy. Bul týraly ánshiniń ózi áleýmettik jelidegi paraqshasynda jazdy.
Uiymdastyrýshylardyń málimetinshe, Ádilet pen Ádiianyń qýanyshyna arnaiy Telegram-arnasy ashylǵan. Toidy úiinde otyryp-aq tamashalaǵysy keletin jurt osy arnaǵa tirkelip, merekeniń eń jarqyn sátterin kóre alady.
"Ulymyzdyń úilený toiyn sizdermen bólisý úshin arnaiy jabyq Telegram-arnasyn ashtyq. Bul arnada toidyń erekshe ári qyzyqty sátterin onlain tamashalaýǵa múmkindik bar. Qýanyshymyzǵa ortaqtasyp, onlain toiymyzdyń qadirli qonaǵy bolýǵa shaqyramyz", – delingen habarlamada.
Toi transliatsiiasyna qosylýdyń aqyly ekenin de eskerte keteiik. Telegram-arnaǵa tirkelip, toidyń onlain qonaǵy bolǵysy kelgenderge 1380 teńge tóleý qajet.
Eske sala ketsek, buǵan deiin Sáken Maiǵazievtiń ulynyń toi aldyndaǵy uzatý rásimi áleýmettik jelide qyzý talqyǵa túsken edi. Ánshiniń kelini dástúrli túrde kilemniń ústinde uzatyldy.
