Qazaqstan Halyq Keńesiniń músheleri Shahmurat Mútálip pen Gadji Gadjiev Kaspii teńizindegi oqý-jattyǵý kezinde qaza tapqan áskeri qyzmetshilerdiń otbasylaryna qarjylai kómek kórsetiletinin málimdedi, dep habarlaidy dalanews.kz.
Kásipker, Qazaqstan boks federatsiiasynyń prezidenti Shahmurat Mútálip Integra ConstructionKZ kompaniiasy qaza tapqan ár áskeri qyzmetshiniń otbasyna 25 mln teńgeden beretinin aitty.
Onyń sózinshe, bul kómek memlekettik qoldaýǵa qosymsha retinde ár otbasyna jeke tártippen kórsetiledi.
«Qaitys bolǵan balany eshqandai aqsha qaitara almaidy. Alaida mundai sátte birde-bir otbasyqaiǵysymen jalǵyz qalmaýy kerek», – dep jazdyShahmurat Mútálip.
Al Qazaqstan Halyq Keńesiniń taǵy bir múshesi, Qazaqstan aýyr atletika federatsiiasynyń prezidenti Gadji Gadjiev qaza tapqan áskeri qyzmetshilerdiń otbasylaryna 100 mln teńge kóleminde materialdyq kómek kórsetý týralysheshim qabyldaǵanyn habarlady.
Eki qoǵam qairatkeri de qaza bolǵandardyń týǵan-týystary men áriptesterine kóńil aitty.
Eske salaiyq, 24 qyrkúiekte Kaspii teńiziniń jaǵalaýynda oqý-jaýyngerlik tapsyrmanyoryndaý kezinde aýa raiynyń kúrt nasharlap, jeldiń kúsheiýine bailanysty áskeri qyzmetshilerdi teńiz sýy alyp ketken.
Úkimettik komissiianyń naqtylanǵan málimetine sáikes, teńizge 17 áskeri qyzmetshi ketken. Onyń 12-si qaza tapty, úsheýi qutqaryldy. Taǵy ekiáskeri qyzmetshini izdeý jumystary jalǵasyp jatyr.
Tragediiaǵa bailanysty qylmystyq is qozǵalyp, oqiǵanyń mán-jaiyn anyqtaý úshin arnaiy jedel-tergeý toby quryldy.
Qazaqstan Prezidenti Qasym-Jomart Toqaevtyń sheshimimen 25 qyrkúiek Qazaqstanda jalpyulttyq aza tutý kúni bolyp jariialandy.
