Qazaqstan Ulttyq qaýipsizdik komiteti "Aqtaý halyqaralyq teńiz saýda porty" aktsionerlik qoǵamynyń basqarma tóraǵasy Abai Týrikpenbaevtyń ustalǵanyn rastady, dep habarlaidy Dalanews.kz.
Bul aqparatty Kýrsiv basylymy málimdedi.
Vedomstvonyń málimetinshe, oǵan qatysty QR Qylmystyq kodeksiniń 361-baby – "Qyzmettik ókilettikti asyra paidalaný" boiynsha sotqa deiingi tergeý amaldary júrgizilip jatyr. Tergeý múddesine bailanysty ózge aqparat jariia etilmeidi.
Abai Týrikpenbaev 2017 jyldan beri Aqtaý halyqaralyq teńiz saýda portyn basqaryp keledi. Ol 1964 jyly 4 maýsymda Shymkent qalasynda dúniege kelgen. Qazan himiia-tehnologiialyq institýtyn jáne Eýraziialyq naryq institýtyn támamdaǵan.
Eske salaiyq, buǵan deiin Qazaqstannyń batysyndaǵy "Aqtaý teńiz saýda porty" ulttyq kompaniiasynyń prezidenti ustalǵany týraly habar taraǵan edi.
Bul týraly "QazAqparat" óz derekkózine silteme jasap habarlady. Qazirgi ýaqytta port basshysy tergeý izoliatorynda otyr. Basylymda ózge málimetter naqtylanbaǵan.
Porttyń baspasóz qyzmeti bul derekke áli jaýap bermenen.
Resmi saittaǵy derekterge súiensek, qazirgi prezident bul laýazymǵa 2017 jyly taǵaiyndalǵan.
Orda.kz málimetterinshe, áńgime "Aqtaý halyqaralyq teńiz saýda porty" prezidenti Abai Túrikpenbaev týraly bolyp otyr. Tergeýdi UQK júrgizip jatyr.
Aqtaý teńiz saýda porty Kaspii teńiziniń shyǵys jaǵalaýynda, halyqaralyq kólik dálizderiniń toǵysqan tusynda ornalasqan. Port Iran, Túrkiia, Resei, Ázerbaijan elderimen baǵyttalǵan tasymaldy qamtamasyz etedi. Sonymen qatar, Túrikmenstanmen de júk ainalymy bar. Kásiporyn jyl boiy táýlik boiy jumys isteidi.
