Astanada 1 mamyr kúni «Muz aidynyndaǵy chempiondar» atty iri muz shoýy ótti, dep habarlaidy Dala News.
Qoiylym «Barys Arenada» uiymdastyrylyp, oǵan 9 myńnan astam kórermen jinaldy.
Shoýdy tanymal bapker Eteri Týtberidze basqardy. Muz aidynyna álemdik mánerlep syrǵanaý juldyzdary – Elizabet Tursynbaeva, Alina Zagitova, Aleksandra Trýsova, Adeliia Petrosian, Piotr Gýmennik jáne basqa da sportshylar shyqty.
Uiymdastyrýshylardyń málimetinshe, shoýǵa qyzyǵýshylyq joǵary bolǵan. Kórermender tek elordadan emes, Qazaqstannyń túrli óńirlerinen, sondai-aq shetelden de kelgen.
Mundai iri is-sharalar Astananyń halyqaralyq deńgeidegi sporttyq jáne mádeni jobalardy ótkize alatyn mańyzdy alań ekenin kórsetedi.
