Astanadaǵy stomatologiialyq ortalyqtardyń birinde 20 jastaǵy qala turǵyny qaitys boldy. Bul aqparatty Politsiia departamenti rastady, dep habarlaidy Dalanews.kz.
Vedomstvo málimetinshe, bul derek boiynsha sotqa deiingi tergeý bastalǵan.
"Astana qalasyndaǵy stomatologiialyq ortalyqtardyń birinde 20 jastaǵy turǵyn qaitys bolýyna bailanysty sotqa deiingi tergeý júrgizilip jatyr. Qorytyndysy boiynsha protsessýaldyq sheshim qabyldanady", - dep jazylǵan habarlamada.
Buǵan deiin áleýmettik jelilerde jigit stomatologiialyq klinikada kóz jumǵany týraly aqparat taraǵan edi.
Jelide jariialanǵan málimetke súiensek, dáriger naýqasqa allergiialyq synama jasamai dári ekken. Osydan keiin jigittiń denesi qurysyp, jaǵdaiy kúrt nasharlaǵan. Soǵan qaramastan, oǵan preparat qaita salynǵany aityldy. Keiin ol qaitys bolǵan.
Jazbada inektsiiany tájiribeden ótip júrgen maman jasaǵany, al stomatolog jaǵdaidy tiisti deńgeide baqylamaǵany da aitylǵan. Oqiǵa kezinde onyń janynda 1993 jyly týǵan medbike bolǵany habarlandy.
