Óskemende «Taza Qazaqstan» jalpyulttyq ekologiialyq bastamasy aiasynda mazmuny tereń, taǵylymy aiqyn aktsiia ótti. Qalanyń «Óskemen» alleiasynda mektep túlekteri, pedagogter jáne óńir basshylyǵy birlesip, 2,5 myńǵa jýyq shyrsha kóshetin otyrǵyzdy, dep habarlaidy Dalanews.kz.
Óskeleń urpaqtyń týǵan jerge degen jaýapkershiligin naqty ispen dáleldegen is-sharaǵa qatysqan Shyǵys Qazaqstan oblysynyń ákimi Nurymbet Saqtaǵanov aktsiianyń tárbielik ári qoǵamdyq mánine nazar aýdardy.
«Búgin biz tabiǵatqa janashyrlyqty, týǵan jerge degen súiispenshilikti jáne el bolashaǵyna degen jaýapkershilikti ushtastyrǵan mańyzdy iske jinalyp otyrmyz. Árbir otyrǵyzylǵan aǵash — týǵan ólkeniń kórkeiýine qosylǵan úles», — dedi aimaq basshysy.
Óńir jetekshisi Memleket basshysy Qasym-Jomart Toqaev tazalyqty qoǵam mádenietiniń kórsetkishi retinde aiqyndap kele jatqanyn atap ótip, jastardyń bul baǵyttaǵy belsendiligi airyqsha mańyzdy ekenin jetkizdi.
«Sizder úshin bul — ómirdiń jańa kezeńine qadam basar sát. Búgingi igi is sol joldyń simvolyna ainalady. Bul kóshettermen birge sizder de ósip, el igiligine qyzmet etesizder», — dedi Nurymbet Saqtaǵanov.
Aktsiiaǵa qatysqan túlekter úshin bul shara tek kógaldandyrý naýqany emes, ózderi bilim alǵan qalaǵa qaldyrǵan iz ispetti. Olardyń aitýynsha, aǵash otyrǵyzý — ekologiialyq mádenietti qalyptastyrýmen qatar, jańa ómir belesiniń bastalýyn bildiredi.
Shara barysynda árbir kóshet belgili bir túlekke bekitilip, onyń jeke eńbegin aiǵaqtady. Osylaisha, jasyl jelek qalanyń sánin arttyryp qana qoimai, túlekterdiń ómir jolymen astasqan simvoldyq mánge ie boldy.
Aita ketý kerek, «Taza Qazaqstan» bastamasy aiasyndaǵy bul aktsiia óskeleń urpaqtyń ekologiialyq sanasyn qalyptastyrýmen qatar, óńirdegi kógaldandyrý jumystaryna da serpin berip otyr.
