Iran biligi AQSh-qa 14 tarmaqtan turatyn beibit jospar joldap, Taiaý Shyǵystaǵy áskeri qaqtyǵysty toqtatýǵa qatysty óz sharttaryn usyndy. Bul týraly irandyq Fars jáne Tasnim agenttikteri habarlady. Qujatta Tegeran Vashingtonnyń buǵan deiin usynǵan 9 tarmaqtan turatyn usynysyna jaýap bergeni aitylǵan, dep jazady dalanews.kz.
Iran tarapy aldaǵy eki aida atysty toqtatý jónindegi usynysqa kelispei, barlyq máselelerdi bir ai ishinde túbegeili sheshý qajet ekenin jetkizgen.
Irannyń josparyna sáikes, AQSh tarapynan soǵys bastamaýǵa kepildik berý, shekara mańyndaǵy aimaqtardan áskerdi tolyq shyǵarý, teńiz blokadasyn alyp tastaý men buǵattalǵan irandyq aktivterdi bosatý talap etiledi. Sondai-aq Tegeran soǵys saldary úshin ótemaqy tóleýdi, sanktsiialardy joiýdy jáne óńirdegi, sonyń ishinde Livanǵa jasalatyn shabýyldardy toqtatýdy talap etip otyr.
Sonymen qatar Ormýz buǵazynyń jumys isteýine qatysty jańa mehanizm engizý usynylǵan.
Donald Tramp bul usynysqa qatysty pikir bildirip, onyń ózine unamaýy múmkin ekenin aitqan. Ol Irannyń burynǵy áreketterine bailanysty mundai sharttardy qabyldaý qiyn ekenin jetkizdi.
Aita keteiik, AQSh pen Izraildiń Iran aýmaǵyna jasaǵan soqqylarynan keiin qaqtyǵys bastalǵan. Keiin ózara shabýyldar men óńirlik shielenis kúsheiip, ýaqytsha atysty toqtatý rejimi engizilgenimen, tolyq kelisimge áli qol jetkizilgen joq.
