يران بيلٸگٸ اقش-قا 14 تارماقتان تۇراتىن بەيبٸت جوسپار جولداپ, تاياۋ شىعىستاعى ەسكەري قاقتىعىستى توقتاتۋعا قاتىستى ٶز شارتتارىن ۇسىندى. بۇل تۋرالى يراندىق Fars جەنە Tasnim اگەنتتٸكتەرٸ حابارلادى. قۇجاتتا تەگەران ۆاشينگتوننىڭ بۇعان دەيٸن ۇسىنعان 9 تارماقتان تۇراتىن ۇسىنىسىنا جاۋاپ بەرگەنٸ ايتىلعان, دەپ جازادى dalanews.kz.
يران تاراپى الداعى ەكٸ ايدا اتىستى توقتاتۋ جٶنٸندەگٸ ۇسىنىسقا كەلٸسپەي, بارلىق مەسەلەلەردٸ بٸر اي ٸشٸندە تٷبەگەيلٸ شەشۋ قاجەت ەكەنٸن جەتكٸزگەن.
يراننىڭ جوسپارىنا سەيكەس, اقش تاراپىنان سوعىس باستاماۋعا كەپٸلدٸك بەرۋ, شەكارا ماڭىنداعى ايماقتاردان ەسكەردٸ تولىق شىعارۋ, تەڭٸز بلوكاداسىن الىپ تاستاۋ مەن بۇعاتتالعان يراندىق اكتيۆتەردٸ بوساتۋ تالاپ ەتٸلەدٸ. سونداي-اق تەگەران سوعىس سالدارى ٷشٸن ٶتەماقى تٶلەۋدٸ, سانكتسييالاردى جويۋدى جەنە ٶڭٸردەگٸ, سونىڭ ٸشٸندە ليۆانعا جاسالاتىن شابۋىلداردى توقتاتۋدى تالاپ ەتٸپ وتىر.
سونىمەن قاتار ورمۋز بۇعازىنىڭ جۇمىس ٸستەۋٸنە قاتىستى جاڭا مەحانيزم ەنگٸزۋ ۇسىنىلعان.
دونالد ترامپ بۇل ۇسىنىسقا قاتىستى پٸكٸر بٸلدٸرٸپ, ونىڭ ٶزٸنە ۇناماۋى مٷمكٸن ەكەنٸن ايتقان. ول يراننىڭ بۇرىنعى ەرەكەتتەرٸنە بايلانىستى مۇنداي شارتتاردى قابىلداۋ قيىن ەكەنٸن جەتكٸزدٸ.
ايتا كەتەيٸك, اقش پەن يزرايلدٸڭ يران اۋماعىنا جاساعان سوققىلارىنان كەيٸن قاقتىعىس باستالعان. كەيٸن ٶزارا شابۋىلدار مەن ٶڭٸرلٸك شيەلەنٸس كٷشەيٸپ, ۋاقىتشا اتىستى توقتاتۋ رەجيمٸ ەنگٸزٸلگەنٸمەن, تولىق كەلٸسٸمگە ەلٸ قول جەتكٸزٸلگەن جوق.
