Depýtattar Prezident týraly, Quryltai týraly jáne onyń depýtattarynyń mártebesine qatysty zań jobalaryn qoldady, dep habarlaidy Dala News.
Bul qujattar respýblikalyq referendýmda qabyldanǵan Konstitýtsiia normalaryn naqtylaýǵa baǵyttalǵan.
Májilis depýtaty Snejanna Imashevanyń aitýynsha, Prezident týraly zań jobasy Memleket basshysynyń mártebesi men ókilettigin aiqyndaidy.
«Konstitýtsiialyq zań jobasy Prezident pen vitse-prezidenttiń quqyqtyq mártebesin aiqyndaidy. Zań jobasy segiz bólim men 43 baptan turady», – dedi ol.
Atalǵan zań jobasy Májiliske Prezidenttiń arnaiy Joldaýy arqyly zańnamalyq bastama retinde engizilgen.
Zań jobalaryn odan ári qaraý úshin Májilis pen Senat depýtattarynan birlesken komissiia quryldy. Komissiia quramyna birqatar depýtat engizilip, olar qujattardy pysyqtaýmen ainalysady.
Sonymen qatar Májilis Quryltai týraly konstitýtsiialyq zań jobasyn da qabyldady. Bul qujat Quryltaidyń qyzmetin uiymdastyrý jáne onyń depýtattarynyń quqyqtyq mártebesin belgileýge baǵyttalǵan.
«Zań jobasy Quryltaidyń qyzmetin uiymdastyrýdy quqyqtyq turǵydan retteýge, sondai-aq onyń depýtattarynyń quqyqtyq mártebesin aiqyndaýǵa baǵyttalǵan. Zań jobasy 12 bólim men 60 baptan turady», – dedi Imasheva.
Osylaisha, qabyldanǵan zań jobalary eldegi konstitýtsiialyq reformalardy iske asyrýǵa jáne memlekettik institýttardyń quqyqtyq negizin naqtylaýǵa baǵyttalǵan.
