Reseidegi Aziia-Tynyq muhit banki (ATB), Nursultan Nazarbaevtyń ieligindegi qarjy uiymy, jyl saiyn tabysyn eselei túsýde. 2025 jyldyń birinshi toqsanynda bank 3,8 milliard rýbl taza paida tapqan. Bul kórsetkish ótken jyldyń osy kezeńimen salystyrǵanda eki ese kóp, dep habarlaidy Dalanews.kz Nege.kz-ke siltep.
14 milliardtyń orny aqtalyp, ústinen taǵy paida tústi
2024 jyly Nazarbaev ATB bankin aýktsionnan satyp alýǵa jumsaǵan barlyq qarajatyn qaitaryp alǵan edi. Ol kezde bank 14 milliard rýbl kiris ákelip, tipti 8 milliard rýblge jýyq taza paida da túsirgen. Nege.kz-tiń boljamynsha, 2025 jyldyń sońyna deiin banktiń jyldyq tabysy 30 milliard rýblge, iaǵni shamamen 186 milliard teńgege jetýi múmkin.
Forbs nege Nazarbaevty ainalyp ótýde?
Búginde ATB bankinde úlestirilmegen kiris kólemi - 237 milliard rýbl (167 mlrd teńge), al taza kapitaly - 40 milliard rýbl (248 mlrd teńge). Bul degenimiz, tek osy banktegi qarjysynyń ózi 415 milliard teńgege teń. Eger bul kásipkerlik tabys retinde eseptelse, Nazarbaev shamamen 800 million dollarlyq bailyqpen Forbes Kazakhstan reitinginde 14-orynǵa turaqtar edi. Bul jaǵdaida ol Aleksandr Klebanovtan keiin ornalasyp, Edýard Ogaidy bir satyǵa tómen túsirer edi.
Aktsionerlik tranzit: Nazarbaev ornyna kim keledi?
Jýyrda ótken Pýtinmen kezdesýde Nazarbaev ATB bankindegi óz úlesine qatysty negizgi máselelerdi, sonyń ishinde aktsionerlik tranzitti talqylaǵan. Bolashaqta ol banktiń negizgi iesi retindegi mártebesin týystarynyń birine, naqtyraq aitqanda, Taýman Nursultanulyna berýi múmkin.
Alaida bul tranzitti qaýipsiz iske asyrý úshin Nazarbaevqa Reseidiń bank júiesine qatysty Batys sanktsiialary tolyq alynyp tastalýy qajet.
Jusan-nan keiin senim qalmaǵan
Jusan banki ainalasyndaǵy daýdan keiin Nazarbaev óz mańyndaǵy qarjygerlerge degen senimin joǵaltqan. Endi ol Vladimir Pýtinniń kepildigine iek artýy yqtimal.
Biraq bir suraq jaýapsyz qalyp otyr: Nazarbaev bul qoldaý úshin Pýtinge ne ýáde etti? Bul másele ázirge jumbaq kúiinde.
