Máskeýde dron shabýylyna ushyraǵan elitaly turǵyn úi kesheninde eks-prezident Nursultan Nazarbaevtyń jieni Altai Asqardyń biznes seriktesi turatyny belgili boldy, dep habarlaidy dalanews.kz.
“Vyhod k moriý” telegram arnasynyń málimetinshe, shabýyl jasalǵan "Dom na Mosfilmovskoi" turǵyn úi keshenindegi páterlerdiń biri kásipker Daniiar Tólemaǵanbetovtiń atyna rásimdelgen. Ol Altai Asqarmen ortaq biznes júrgizedi.
Arna málimetinshe, dúisenbige qaraǵan túni ýkrainalyq dron Máskeýdegi eń tanymal elitaly keshenderdiń biri sanalatyn "Dom na Mosfilmovskoi" turǵyn úi keshenine soǵylǵan. Máskeý biliginiń aldyn ala dereginshe, turǵyndar arasynda zardap shekkender joq.
Atalǵan keshende reseilik joǵary laýazymdy sheneýnikterdiń týystary, iri kásipkerler men sheteldik azamattar turatyny aitylǵan. Reseilik jyljymaityn múlik bazalaryndaǵy málimetterge súiengen avtorlar “Dom na Mosfilmovskoi” keshenindegi páterlerdiń biri Daniiar Tólemaǵanbetovtiń atyna tirkelgenin jazǵan. Al Qazaqstandaǵy Shishkin like jobasynyń málimetinshe, ol Altai Asqarmen birge dizel otyny men elektr energiiasy salasynda biznes júrgizedi.
Sondai-aq jazbada Tólemaǵanbetovtiń ákesi Murat Tólemaǵanbetovtiń ýkrainalyq NAVI kibersport komandasyna demeýshilik kórsetkeni de aitylǵan.
Budan bólek, “Vyhod k moriý” arnasy Altai Asqardyń da Máskeýde jyljymaityn múlki bar ekenin jazǵan. Málimetke sáikes, ol Moskva-Siti iskerlik aýdanyndaǵy “Merkýrii” munarasynan páter ielengen.
Aita keteiik, Dom na Mosfilmovskoi turǵyn úi kesheni buǵan deiin de birneshe daýǵa ilingen. Joba qurylysy kezinde ǵimarat qabattarynyń sany birneshe ret ózgerip, keiin Máskeý biligi ony zańsyz salynǵan nysan retinde tanýǵa tyrysqan. Keiin qurylys kompaniiasy men qala ákimdigi kelisimge kelgen.
