مەسكەۋدە درون شابۋىلىنا ۇشىراعان ەليتالى تۇرعىن ٷي كەشەنٸندە ەكس-پرەزيدەنت نۇرسۇلتان نازارباەۆتىڭ جيەنٸ التاي اسقاردىڭ بيزنەس سەرٸكتەسٸ تۇراتىنى بەلگٸلٸ بولدى, دەپ حابارلايدى dalanews.kz.
“ۆىحود ك موريۋ” telegram ارناسىنىڭ مەلٸمەتٸنشە, شابۋىل جاسالعان "دوم نا موسفيلموۆسكوي" تۇرعىن ٷي كەشەنٸندەگٸ پەتەرلەردٸڭ بٸرٸ كەسٸپكەر دانييار تٶلەماعانبەتوۆتٸڭ اتىنا رەسٸمدەلگەن. ول التاي اسقارمەن ورتاق بيزنەس جٷرگٸزەدٸ.
ارنا مەلٸمەتٸنشە, دٷيسەنبٸگە قاراعان تٷنٸ ۋكراينالىق درون مەسكەۋدەگٸ ەڭ تانىمال ەليتالى كەشەندەردٸڭ بٸرٸ سانالاتىن "دوم نا موسفيلموۆسكوي" تۇرعىن ٷي كەشەنٸنە سوعىلعان. مەسكەۋ بيلٸگٸنٸڭ الدىن الا دەرەگٸنشە, تۇرعىندار اراسىندا زارداپ شەككەندەر جوق.
اتالعان كەشەندە رەسەيلٸك جوعارى لاۋازىمدى شەنەۋنٸكتەردٸڭ تۋىستارى, ٸرٸ كەسٸپكەرلەر مەن شەتەلدٸك ازاماتتار تۇراتىنى ايتىلعان. رەسەيلٸك جىلجىمايتىن مٷلٸك بازالارىنداعى مەلٸمەتتەرگە سٷيەنگەن اۆتورلار “دوم نا موسفيلموۆسكوي” كەشەنٸندەگٸ پەتەرلەردٸڭ بٸرٸ دانييار تٶلەماعانبەتوۆتٸڭ اتىنا تٸركەلگەنٸن جازعان. ال قازاقستانداعى Shishkin like جوباسىنىڭ مەلٸمەتٸنشە, ول التاي اسقارمەن بٸرگە ديزەل وتىنى مەن ەلەكتر ەنەرگيياسى سالاسىندا بيزنەس جٷرگٸزەدٸ.
سونداي-اق جازبادا تٶلەماعانبەتوۆتٸڭ ەكەسٸ مۇرات تٶلەماعانبەتوۆتٸڭ ۋكراينالىق NAVI كيبەرسپورت كومانداسىنا دەمەۋشٸلٸك كٶرسەتكەنٸ دە ايتىلعان.
بۇدان بٶلەك, “ۆىحود ك موريۋ” ارناسى التاي اسقاردىڭ دا مەسكەۋدە جىلجىمايتىن مٷلكٸ بار ەكەنٸن جازعان. مەلٸمەتكە سەيكەس, ول موسكۆا-سيتي ٸسكەرلٸك اۋدانىنداعى “مەركۋريي” مۇناراسىنان پەتەر يەلەنگەن.
ايتا كەتەيٸك, دوم نا موسفيلموۆسكوي تۇرعىن ٷي كەشەنٸ بۇعان دەيٸن دە بٸرنەشە داۋعا ٸلٸنگەن. جوبا قۇرىلىسى كەزٸندە عيمارات قاباتتارىنىڭ سانى بٸرنەشە رەت ٶزگەرٸپ, كەيٸن مەسكەۋ بيلٸگٸ ونى زاڭسىز سالىنعان نىسان رەتٸندە تانۋعا تىرىسقان. كەيٸن قۇرىلىس كومپانيياسى مەن قالا ەكٸمدٸگٸ كەلٸسٸمگە كەلگەن.
