رەسەيدەگٸ ازييا-تىنىق مۇحيت بانكٸ (اتب), نۇرسۇلتان نازارباەۆتىڭ يەلٸگٸندەگٸ قارجى ۇيىمى, جىل سايىن تابىسىن ەسەلەي تٷسۋدە. 2025 جىلدىڭ بٸرٸنشٸ توقسانىندا بانك 3,8 ميلليارد رۋبل تازا پايدا تاپقان. بۇل كٶرسەتكٸش ٶتكەن جىلدىڭ وسى كەزەڭٸمەن سالىستىرعاندا ەكٸ ەسە كٶپ, دەپ حابارلايدى Dalanews.kz Nege.kz-كە سٸلتەپ.
14 ميللياردتىڭ ورنى اقتالىپ, ٷستٸنەن تاعى پايدا تٷستٸ
2024 جىلى نازارباەۆ اتب بانكٸن اۋكتسيوننان ساتىپ الۋعا جۇمساعان بارلىق قاراجاتىن قايتارىپ العان ەدٸ. ول كەزدە بانك 14 ميلليارد رۋبل كٸرٸس ەكەلٸپ, تٸپتٸ 8 ميلليارد رۋبلگە جۋىق تازا پايدا دا تٷسٸرگەن. Nege.kz-تٸڭ بولجامىنشا, 2025 جىلدىڭ سوڭىنا دەيٸن بانكتٸڭ جىلدىق تابىسى 30 ميلليارد رۋبلگە, ياعني شامامەن 186 ميلليارد تەڭگەگە جەتۋٸ مٷمكٸن.
فوربس نەگە نازارباەۆتى اينالىپ ٶتۋدە?
بٷگٸندە اتب بانكٸندە ٷلەستٸرٸلمەگەن كٸرٸس كٶلەمٸ - 237 ميلليارد رۋبل (167 ملرد تەڭگە), ال تازا كاپيتالى - 40 ميلليارد رۋبل (248 ملرد تەڭگە). بۇل دەگەنٸمٸز, تەك وسى بانكتەگٸ قارجىسىنىڭ ٶزٸ 415 ميلليارد تەڭگەگە تەڭ. ەگەر بۇل كەسٸپكەرلٸك تابىس رەتٸندە ەسەپتەلسە, نازارباەۆ شامامەن 800 ميلليون دوللارلىق بايلىقپەن Forbes Kazakhstan رەيتينگٸندە 14-ورىنعا تۇراقتار ەدٸ. بۇل جاعدايدا ول الەكساندر كلەبانوۆتان كەيٸن ورنالاسىپ, ەدۋارد وگايدى بٸر ساتىعا تٶمەن تٷسٸرەر ەدٸ.
اكتسيونەرلٸك ترانزيت: نازارباەۆ ورنىنا كٸم كەلەدٸ?
جۋىردا ٶتكەن پۋتينمەن كەزدەسۋدە نازارباەۆ اتب بانكٸندەگٸ ٶز ٷلەسٸنە قاتىستى نەگٸزگٸ مەسەلەلەردٸ, سونىڭ ٸشٸندە اكتسيونەرلٸك ترانزيتتٸ تالقىلاعان. بولاشاقتا ول بانكتٸڭ نەگٸزگٸ يەسٸ رەتٸندەگٸ مەرتەبەسٸن تۋىستارىنىڭ بٸرٸنە, ناقتىراق ايتقاندا, تاۋمان نۇرسۇلتانۇلىنا بەرۋٸ مٷمكٸن.
الايدا بۇل ترانزيتتٸ قاۋٸپسٸز ٸسكە اسىرۋ ٷشٸن نازارباەۆقا رەسەيدٸڭ بانك جٷيەسٸنە قاتىستى باتىس سانكتسييالارى تولىق الىنىپ تاستالۋى قاجەت.
Jusan-نان كەيٸن سەنٸم قالماعان
Jusan بانكٸ اينالاسىنداعى داۋدان كەيٸن نازارباەۆ ٶز ماڭىنداعى قارجىگەرلەرگە دەگەن سەنٸمٸن جوعالتقان. ەندٸ ول ۆلاديمير پۋتيننٸڭ كەپٸلدٸگٸنە يەك ارتۋى ىقتيمال.
بٸراق بٸر سۇراق جاۋاپسىز قالىپ وتىر: نازارباەۆ بۇل قولداۋ ٷشٸن پۋتينگە نە ۋەدە ەتتٸ? بۇل مەسەلە ەزٸرگە جۇمباق كٷيٸندە.
