قازاقستان ٷكٸمەتٸ اۋقاتتى وتباسىلارعا بەرٸلەتٸن ەلەۋمەتتٸك كٶمەكتٸ قىسقارتۋ ارقىلى 2027 جىلى 700 ملرد تەڭگە, ال الداعى ٷش جىلدا شامامەن 2,5 ترلن تەڭگە ٷنەمدەۋدٸ جوسپارلاپ وتىر, دەپ حابارلايدى dalanews.kz.
پرەمەر-مينيستر ولجاس بەكتەنوۆتٸڭ ايتۋىنشا, 2027 جىلعى 1 قاڭتاردان باستاپ ەلەۋمەتتٸك قولداۋ كٶرسەتۋ كەزٸندە ازاماتتاردىڭ ناقتى مۇقتاجدىعى نەگٸزگٸ ٶلشەمگە اينالادى.
ٷكٸمەت باسشىسى قازٸرگٸ جٷيەدە تابىسى جوعارى جەنە تۇرمىسى تٶمەن كٶپبالالى وتباسىلارعا بٸردەي قولداۋ كٶرسەتٸلۋٸن ەدٸلەتسٸز دەپ سانايتىنىن ايتتى. ونىڭ پٸكٸرٸنشە, مەملەكەت كٶمەكتٸ ٶز كٷنٸن ٶزٸ كٶرە المايتىن ازاماتتارعا باعىتتاۋى كەرەك.
«جاعدايى جاقسى, ٶزٸن-ٶزٸ قامتاماسىز ەتۋگە مٷمكٸندٸگٸ بار ادامدار مەملەكەت كٶمەگٸنە سٷيەنبەۋٸ كەرەك, ولار ٶز كٷشٸنە سەنۋٸ تيٸس», – دەدٸ بەكتەنوۆ قۇرىلتاي وتىرىسىندا.
پرەمەر-مينيستردٸڭ تٷسٸندٸرۋٸنشە, ەلەۋمەتتٸك كٶمەك تۇراقتى تابىس كٶزٸنە اينالماۋى كەرەك. ونىڭ ماقساتى – قيىن جاعدايعا تاپ بولعان ازاماتتارعا قولداۋ كٶرسەتٸپ, كەيٸن ولاردىڭ ٶز بەتٸنشە كٷن كٶرۋٸنە مٷمكٸندٸك بەرۋ.
ٷكٸمەتتٸڭ جوسپارىنا سەيكەس, جاڭا تەسٸل ەلەۋمەتتٸك قولداۋعا بٶلٸنەتٸن قاراجاتتى قايتا بٶلۋگە مٷمكٸندٸك بەرەدٸ. الايدا ناقتى قانداي تٶلەمدەر مەن جەردەماقىلار قىسقاراتىنى جەنە وتباسىلاردىڭ تابىسى قانداي ٶلشەمدەر بويىنشا باعالاناتىنى تۋرالى تولىق اقپارات بەرٸلگەن جوق.
