Qazaqstanda nesieler boiynsha jyldyq syiaqy mólsherlemelerine shekteýler engizilip, jańasha bekitildi. Endi bul rette asyra silteýge negiz joq, dep habarlaidy Dalanews.kz.
Qazaqstandaǵy qaryzdar men mikrokreditter boiynsha jyldyq tiimdi syiaqy mólsherlemeleriniń eń joǵary kólemi bekitildi. Bul sharalar QNRDA men Ulttyq Banktiń qaýlylaryna sáikes 2025 jyldyń 16 maýsymynan bastap resmi túrde qoldanysqa engiziledi.
"Endi qarjy uiymdary banktik jáne mikrokredittik nesieler boiynsha belgili bir deńgeiden joǵary paiyzdardy belgilei almaidy", delingen resmi habarlamada.
Sonymen:
| Zaem túrleri | Jyldyq tiimdi syiaqy mólsherlemesi (JTSM) |
| Kepilsiz bank zaemy | 46%-ǵa deiin |
| Kepili bar bank zaemy | 35%-ǵa deiin |
| Ipotekalyq turǵyn úi zaemy | 20%-ǵa deiin |
| Shaǵyn nesie (barlyq merzimge) | 46%-ǵa deiin |
| 45 kúnge jane 45 AEK-ke deiin beriletin shaǵyn nesie |
kúnine 0,3%-ǵa deiin, jylyna 179%-ǵa deiin |
JTSM - bul nesieniń paiyzy ǵana emes, sonymen qatar barlyq qosymsha komissiialardy, tólemderdi, saqtandyrý jáne basqa da mindetti shyǵyndardy qamtityn tolyq jyldyq tiimdi syiaqy mólsherlemesi.
JTSM - kez-kelgen nesieni rásimdeý kezinde nazar aýdarý kerek negizgi kórsetkish. Ol nesieniń naqty qunyn kórsetedi.
Qabyldanǵan sharalar nesieleý sharttarynyń ashyqtyǵyn arttyrýǵa jáne ásirese, mikroqarjy segmentinde óte joǵary paiyzdarmen kúresýge baǵyttalǵany naqtylanady.
