Sherzat Bolattyń ákesi Qarjaýbai Nurymovqa memleket úi salyp beretin boldy. Bul aqparatty Almaty oblysynyń Eńbekshiqazaq aýdandyq ákimdigi rastady, dep habarlaidy Dalanews.kz.
Ákimdik málimetinshe, jergilikti atqarýshy organdar tarapynan túsindirme jumystarynan keiin, ótinish iesi ruqsat qujattaryn rásimdeý úshin barlyq qajetti qujattardy tapsyrdy.
"Qazirgi ýaqytta barlyq qujattar tolyq daiyndaldy. Qurylys jumystary aldaǵy ýaqytta bastalady dep josparlanýda. Aýdan ákimdigi qurylys barysyn qadaǵalap, óz ókilettigi aiasynda qajetti qoldaý kórsetetin bolady", - deidi ákimdiktiń resmi ókilderi.
Eske salaiyq, buǵan deiin Almaty oblysy Eńbekshiqazaq aýdanynyń ákimdigi Sherzat Polattyń ákesi Qarjaýbai Nurymovqa ýáde etken úidi áli bermegenin habarlaǵan edik. Bul týraly Nurymovtyń ózi bloger Jan Ahmadievke bergen suhbatynda aitty.
Blogerdiń sózinshe, qazirgi ýaqytta órtengen úidiń ornynda jańa irgetas qalanǵan. Ony ákimdik emes, Qarjaýbai Nurymovtyń ózi quiǵan.
"Ózderińiz túsingenderińizdei endi Qarjaýbaiǵa eshkim úi salyp bermeidi", - deidi Jan Ahmadiev.
Qazaqstandyqtar Qarjaýbai Nurymovqa úi alyp berýge qarjylai kómek berýge daiyn ekenin jazyp jatyr.
Aita keteiik, byltyr 12 qazanǵa qaraǵan túni Talǵar tragediiasynda qaza tapqan Sherzat Bolattyń úii órtenip ketti. Bul derekke Politsiia departamenti jaýap berdi. 12 qazanǵa qaraǵan túni Eńbekshiqazaq aýdany Azat aýylyndaǵy úilerdiń birinde órt boldy.
Politsiia bótenniń múlkin qasaqana joiý deregi boiynsha qylmystyq is qozǵady.
Tergeý aiasynda kýágerlerden jaýap alynyp jatyr, sondai-aq beinebaqylaý kameralarynyń jazbalary zerttelip jatyr.
Artynsha Sherzat Bolattyń otbasyn politsiia kúzetetini belgili boldy.
Búgin, 12 qazanda Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby quryldy.
