Qazaqstanda jyl saiyn orta eseppen 370 myńǵa jýyq bosaný qabyldanady, jáne árbir osy keremettiń artynda akýsherlerdiń eńbegi, qamqorlyǵy men biliktiligi jatyr. Olar bolashaq analardy perzenthanaǵa túsken sátten bastap shyǵarylǵanǵa deiin qamqorlyq jasap, tek meditsinalyq emes, moraldyq qoldaý da kórsetedi.
Bul — áielder men olardyń sábileri úshin eń tolqynysty ári mańyzdy sátterde janynda bolatyn naǵyz qaharmandar.
Qazaqstandaǵy bosandyrý júiesi týraly derekter:
• Elimizde 240 bosandyrý uiymy, onyń ishinde 58 perzenthana jáne 37 perinataldyq ortalyq jumys isteidi.
• Ambýlatoriialyq kómekti 810 áielder konsýltatsiiasy, 1 282 dárigerlik ambýlatoriia jáne 790 feldsherlik-akýsherlik pýnkt kórsetedi.
• Qazaqstanda 9 myńnan astam akýsher eńbek etedi, olardyń 64%-y qalada, 36%-y aýylda jumys isteidi.
• Perzenthanalarda 3 740 akýsher, al meditsinalyq-sanitariialyq alǵashqy kómek deńgeiinde 3 675 akýsher qyzmet etedi.
• 600-den astam akýsher shalǵai jerlerde feldsherlik-akýsherlik pýnktterde qyzmet kórsetip otyr.
Halyqaralyq akýsherler kúnin belgileý týraly ideia 1987 jyly usynylyp, 1992 jyly resmi túrde moiyndaldy. Qazaqstanda bul kúnniń de ózindik mańyzy zor — árbir qýanyshty sábidiń dúniege kelýiniń artynda óz isine muqiiat, tájiribeli jáne adal akýsherler tur.
Barlyq akýsherlerdi kásibi merekelerimen quttyqtaimyz! Eńbekterińizge, kúsh-qairattaryńyzǵa jáne óz isińizge degen súiispenshilikterińizge alǵysymyz sheksiz!
