Oral qalasyndaǵy jylý elektr ortalyǵynda qýaty 12 megavatt bolatyn jańa №1 týrbina iske qosyldy. Osy týrbinanyń 100 paiyz tozyǵy jetip, 10 jyl boiy jumysy toqtap turǵan bolatyn. Nátijesinde eski týrbinanyń ornyna 3,2 milliard teńgege jańa týrbina satyp alynyp, paidalanýǵa berildi,- dep habarlaidy Dalanews.kz
Jańa týrbinanyń iske qosylýy óz kezeginde energetikalyq táýelsizdikti qamtamasyz etedi. Qazirgi ýaqytta jylý elektr ortalyǵyndaǵy óndiris 46 MVt-ty quraidy. Jańa týrbinanyń arqasynda óndiriletin elektr energiiasynyń qýaty 12 MVt-qa artady.
«Memleket basshysy Qasym-Jomart Toqaev: energetikalyq qaýipsizdikti qamtamasyz etý – basty mindettiń biri ekenin atap ótken bolatyn. Oblysymyzda energiiany tutyný qarqyny jyldan jylǵa artýda. Sońǵy 10 jyl ishinde elektr qýatyn tutyný kólemi 30 %-ǵa ósti. Bul óz kezeginde energiia qýattylyǵyn arttyrýdy qajet etedi. Búgingi iske qosqan jańa týrbina turǵyndarymyzǵa beriletin elektr energiiasynyń mólsherin arttyrýǵa yqpal etedi»»,- dedi Nariman Tóreǵaliuly.
Aita ketý kerek, sońǵy eki jyldyń ózinde jylý-energetika salasyn jańǵyrtý maqsatynda biýdjetten 15,6 milliard teńge kóleminde qarjy baǵyttalǵan. Sonyń nátijesinde birqatar mańyzdy jobalar iske qosyldy. Atap aitqanda: nasostyq stansadaǵy taratý qurylǵysy, gradirnia, jańa qazandyq, №2 jáne №5 jylý magistralin qaita jańǵyrtý, sondai-aq Zashaǵan kentindegi jańa qazandyqtyń qurylysy.
Sonymen qatar, Japoniianyń áigili «Hitachi» týrbinasyna jóndeý jumystary bastaldy. Bul – ekijaqty kelissózderdiń oń nátijesi.
2035 jylǵa deiingi aralyqty qamtityn, 32 jobadan turatyn jol kartasy bekitilgen bolatyn. Onda: qysqa merzimdi — jalpy quny 33,9 mlrd teńgege 6 joba; orta merzimdi — 117,7 mlrd teńgege 12 joba; uzaq merzimdi — 135,1 mlrd teńgege 13 joba qarastyrylǵan.
Qazirgi tańda qysqa merzimde iske asyrylýy tiis jobalar daiyn. Olar: Oral qalasy men Zashaǵan kentindegi №1 jáne №2 qazandyqtardyń jylý jelilerin jańartý, 6 jáne 7-jylý magistralderin qaita qurý, Qurylysshy jáne Soltústik-Shyǵys shaǵynaýdandaryndaǵy ishki jylý jelilerin aýystyrý jobalary. Sondai-aq jylý elektr ortalyǵyndaǵy №3 týrboagregat, úsh jylý magistrali men úsh energetikalyq qazandyqty jańartý jobalary da ázirlenýde.
