Qazaqstan halqynyń birligi kúninde oblys ákimi Nurlybek Nálibaevtyń qatysýymen Qyzylorda qalasynda «Qazatomónerkásip» ulttyq atom kompaniiasy» aktsionerlik qoǵamynyń qoldaýymen boi kóteretin «Dostyq úiiniń» jańa ǵimaratynyń irgetasyn qalaý rásimi ótti,- dep habarlaidy Dalanews.kz
Saltanatty sharaǵa Parlament Senaty men Májilisiniń depýtattary Rýslan Rústemov, Murat Ergeshbaev, memleket jáne qoǵam qairatkeri Murat Baqtiiaruly, «Qazatomónerkásip» ulttyq atom kompaniiasy» aktsionerlik qoǵamynyń basqarma tóraǵasy Meiirjan Iýsýpov, ziialy qaýym ókilderi men sala basshylary qatysty.
Oblys ákimi jinalǵan jurtshylyqty Qazaqstan halqynyń birligi kúnimen, Qazaqstan halqy Assambleiasynyń 30 jyldyǵymen quttyqtap, óńirdegi jobalar men jańa ortalyqta atqarylatyn jumystarǵa toqtaldy.
«Bereke-birligimizdiń uiytqysyna ainalyp, elimizdegi etnosaralyq dostyq pen birliktiń úlgisin álemge tanytqan Qazaqstan halqy Assambleiasynyń qurylǵanyna biyl 30 jyl toldy. Atalǵan qurylym búginde halqymyzdy birlikke, dostyqqa úndeitin jalpyulttyq kelisimniń negizine ainaldy.
Memleket basshymyz Qasym-Jomart Kemeluly Qazaqstan halqy Assambleiasynyń HHHIV sessiiasynda: «Byltyr elimizdiń rýhani jáne tarihi-mádeni ordasy – Túrkistanda jańa "Dostyq úii" ashyldy. "Dostyq úileri" taǵy birneshe qala men aýdan ortalyǵynda ashylady dep josparlanýda. Men bul bastamany qoldaimyn. Biz qoǵamdyq kelisim infraqurylymyn birtindep keńeite berýimiz kerek», - degen bolatyn.Jańa «Dostyq úii» – aimaǵymyzdyń birligi men yntymaǵyn nyǵaitýǵa atsalysqan etnomádeni birlestikter men assambleia belsendileri úshin barlyq qajettiliktermen qamtamasyz etilgen zamanýi ǵimarat bolady», - dedi N.Nálibaev.
Jańa nysannyń irgetasyn qalaý rásiminde Meiirjan Iýsýpov “Dostyq úii” el igiligine, jaqsylyqqa qyzmet etsin degen tilegin bildirdi.
Sondai-aq, Rýslan Rústemov, Murat Ergeshbaev, Murat Baqtiiaruly sóz sóilep, rásimge qatysýshylardy merekemen quttyqtady.
«Dostyq úiiniń» jańa ǵimaraty «Qazatomónerkásip» ulttyq atom kompaniiasy» aktsionerlik qoǵamynyń qoldaýymen 3 mlrd. 800 mln. teńgege salynady.
