Astanada polısıa qyzmetkerleri "jeńildetilgen ıpoteka alyp beremin" degen syltaýmen jasalǵan alaıaqtyq isin áshkereledi, dep habarlaıdy Dalanews.kz.

Qalalyq Polısıa departamentiniń málimetinshe, elorda turǵyny polısıaǵa aryz túsirip, ózin aldap ketken áıel jaıly habarlaǵan. Aıtýynsha, tanysy memlekettik jeńildetilgen turǵyn úı baǵdarlamasy arqyly nesıe rásimdeýge kómektesemin dep sendirgen.

Jábirlenýshi barlyq qajetti qujat pen ótinimdi daıyndap bergen. Alaıda alaıaq sol qujattardy óz paıdasyna paıdalanyp, «baılanystarym bar, maquldaýdy tezdetip alyp beremin» degen jeleýmen 2 mıllıon teńge suraǵan. Aqshany alǵan soń ol baılanysqa shyqpaı qoıǵan.

Polısıa kúdiktini ustady. Qazir ol alaıaqtyq baby boıynsha jaýapkershilikke tartylýda.

Quqyq qorǵaý organdary turǵyndarǵa eskertý jasady.

"Jeńildetilgen baǵdarlama» nemese «nesıeni tez rásimdeý» syndy ýádelerge senbeńizder. Barlyq memlekettik turǵyn úı jáne nesıe baǵdarlamalary tek resmı tártippen, deldalsyz júzege asyrylady", - dedi olar.