Qazaqstandaǵy birqatar jylý elektr ortalyqtarynyń iesi Sergei Kan men jubaiy Janna Kan Dýbaidaǵy Fairmont Palm Residence turǵyn úi kesheninen penthaýs ielengen. Onyń qazirgi naryqtaǵy quny shamamen 3 milliard teńge, dep habarlaidy Dalanews.kz.
“Vyhod k moriý” telegram arnasynyń málimetinshe, penthaýs álemge áigili Palm Jumeirah jasandy aralynda ornalasqan. Keshenniń aýmaǵynda baqtar, basseinder, kafe, meiramhanalar jáne jeke jaǵajai bar. Kan otbasynyń páteri 10-qabatta, jalpy aýdany — 406 m², sonyń 100 m²-y ashyq terrasa.
“Terrasada jeke bassein, demalys aimaǵy jáne Parsy shyǵanaǵyn tamashalaityn kórinis bar. Ishki keńistikte tórt jatyn bólme, alty jýynatyn bólme, keń qonaq bólme, as úi jáne kabinet ornalasqan. Sondai-aq olardyń eki jer asty avtoturaq orny bar”, — delingen “Vyhod k moriý” telegram paraqshasynyń málimetinde.
Qujattarǵa sáikes, Kandar bul jyljymaityn múlikti 2013 jyly, iaǵni keshen salynyp bitkennen keiin birden, 2 million dollarǵa satyp alǵan. Qazir onyń baǵasy úsh esege ósip, shamamen 6 million dollarǵa jetken.
“Sergei Kan men Aleksandr Klebanov Qazaqstanda birneshe energetikalyq nysandardyń ieleri sanalady. Bul kásiporyndardyń jaǵdaiy keiingi jyldary jii synǵa ushyrap keledi”, — dep qosty derekkóz.
2022 jyly qarashada Ekibastuz JEO-daǵy apat saldarynan myńdaǵan turǵyn sýyqta jylýsyz qalǵan edi. 2023 jyldyń jeltoqsanynda jaǵdai taǵy qaitalandy. Sarapshylardyń baǵalaýynsha, ol kezde stantsiianyń tozý deńgeii 80–90% bolǵan. Keiin kásiporyn jergilikti ákimdikke berilip, memleket onyń jańǵyrtýyna 7,4 milliard teńge bólgen.
“Biyl Klebanov pen Kan taǵy bir problemaly nysan Petropavl JEO-dan aiyryldy. Bul stantsiia da ákimdikke ótti. Aýditorlardyń esebi boiynsha, kásiporynnyń tozýy 70% shamasynda.
“Sevkazenergo” AQ biyl aimaqtaǵy energetikalyq infraqurylymdy jańǵyrtýǵa 16,5 milliard teńge jumsaǵanymen, bul qarjy jetkiliksiz bolyp otyr. Ákimdik respýblikalyq biýdjetten qosymsha qarajat bólinedi dep kútýde”, — deidi derekkóz.
