Astanada 35 jastaǵy taksi júrgizýshisi esirtki zattaryn taratyp júrgen jerinen qolǵa tústi, dep habarlaidy Dalanews.kz.
Tekserý kezinde onyń kóliginen shamamen 50 túiinshek mefedron tabylyp, tárkilendi. Tergeý barysynda er adamnyń taksi qyzmetimen qatar, internet-messendjerler arqyly esirtki jetkizýge tapsyrys alyp otyrǵany anyqtaldy. Ol «taýardy» alǵan soń, tapsyrystar arasyndaǵy úziliste qala aýmaǵyndaǵy ártúrli jerlerge jasyryp ketken.
Politsiia barlyq tyiym salynǵan zatty tárkilep, kúdiktige qatysty qylmystyq is qozǵady. Qazirgi ýaqytta ol ýaqytsha ustaý izoliatoryna qamaldy.
Quqyq qorǵaý organdary azamattarǵa eskertý jasady: esirtkini zańsyz saqtaý, taratý nemese deldal bolý – qylmystyq jaýapkershilikke ákep soǵady. «Zań jáne tártip» tujyrymdamasy aiasynda esirtki ainalymyna qatysty kez kelgen quqyqbuzýshylyqtar qatań túrde toqtatylady.
