Ombynyń «Avangard» komandasy Astanada Qazaqstannyń «Barysynan» 2:6 esebimen jeńilgennen keiin, jeli qoldanýshylary match aldyndaǵy reseilik hokkeishilerdiń Astanada shoping jasaǵanyn qyzý talqylap jatyr, dep habarlaidy Dalanews.kz.
Keshe, 16 qazanda, QHL aiasyndaǵy matchta qazaqstandyq «Barys» reseilik «Avangardty» 6:2 esebimen oisyrata jeńdi. Muz ieleri ásirese úshinshi kezeńde kózge túsip, qarsylastyń qaqpasyna jaýapsyz tórt shaiba soqty.
Alaida jankúierlerdiń áleýmettik jelilerdegi nazaryn tek match nátijesi ǵana emes, Ombydan kelgen qonaqtardyń oiyn aldyndaǵy áreketi de aýdardy.
Eń kóp talqylanǵan jaittardyń biri- «Avangard» komandasynyń qorǵaýshysy Damir Sharipzianov jariialaǵan video boldy. Onda hokkeishi satyp alǵan zattarynyń sómkelerin kórsetip, bylai deidi:
«Astana- Reseide joq dúkenderdi aralap, saýda jasaýǵa tamasha múmkindik. Negizinen, árine, balalarǵa birdeńe aldyq. Birinshi sómke daiyn. Árine, ZARA- nyń balalar bólimi. Sýperqaharmandardy alyp jatyrmyz. Semen Semenych munda tańdap jatyr»,- deidi ol videoda.
