Búgin sol jaǵalaýdaǵy «Qaisar arena» stadionynda Qyzylorda qalasynyń astana bolǵanyna 100 jyl tolýyna jáne Qala kúnine arnalǵan «Mereili merekeńmen,Qyzylorda» atty gala-kontsert ótti, dep habarlaidy Dalanews.kz.
Oǵan Abai oblysynyń ákimi Berik Ýáli, Parlament Senaty men Májilisiniń depýtattary, memleket jáne qoǵam qairatkerleri, Qazaqstannyń Eńbek Erleri, ǵalymdar, óner maitalmandary, respýblikanyń barlyq óńirinen kelgen oblystyq máslihat tóraǵalary arnaiy qatysty.
Mereke bastaýyndaǵy astanany Orynbordan Aqmeshitke kóshirý jáne Kirgiz AKSR-nyń Qazaq AKSR dep ózgertilýi, qalaǵa Qyzylorda ataýynyń berilýi, Aqmeshitke qarai baǵyt alǵan «Qyzyl paravoz», Alash arystarynyń beineleri, tarih jelisinen sabaqtalǵan kórinister sol dáýirdi kópshiliktiń kóz aldyna ákelgendei áser qaldyrdy. Odan keiin ekrandaǵy kórinister jańarǵan, jańǵyrǵan Qyzylordanyń búgingi jasampaz kelbetine aýysty.
Aimaq basshysy Nurlybek Nálibaev jurtshylyqty mereili merekemen quttyqtady.
«Bir ǵasyr buryn Qazaq Respýblikasynyń alǵashqy astanasy bolǵan Qyzylordada memlekettigimizdiń negizi qalandy. Sol kezeńde qalamyz elimizdiń saiasi, mádeni-rýhani ortalyǵyna ainaldy. Ulttyq óner men ǵylymnyń, bilim men baspasózdiń altyn qazyǵy osynda qaǵyldy. Shejireli shaharymyzdyń eldik asyl muraty, jasampaz joly qalyptasty. Ultymyzǵa «qazaq» ataýyn qaitaryp, azat el bolýdy ańsaǵan asqaq arman oryndaldy. Tilegi men maqsaty ortaq Alash arystary ult múddesi úshin táýelsiz el bolýǵa birikti. «Otan – eldiń anasy, El – erdiń anasy! Syr – Alashtyń anasy!».
Júz jylda birneshe kezeńdi basynan ótkergen Qyzylorda búgingi kúni Prezidentimizdiń erekshe qoldaýymen sáýletti de ásem qalaǵa ainalyp keledi. Syr óńiri jasaryp-jańaryp, ósip-órkendeýde. Sońǵy úsh jylda aimaq ekonomikasyna 1 trillion 600 mlrd. teńgege jýyq investitsiia tartyldy. Oblys biýdjeti 851 mlrd. 300 mln. teńgege jetip, 2022 jyldan beri 233 paiyzǵa ósti. Bul qarajat aimaǵymyzdyń eń ózekti degen máselelerin sheshýge, turǵyndarymyzdyń turmys sapasyn jaqsartýǵa baǵyttaldy. Eń ǵajap qala – ol adamnyń baqytty bolǵan jeri. Barshamyzdy baqyt qushaǵyna alǵan Qyzylorda – bizdiń maqtanyshymyz.
Mereili merekede denderińizge saýlyq, otbasylaryńyzǵa baq-bereke tileimin! Egemen elimizdiń eńsesi biik, Táýelsizdigi tuǵyrly bolǵai! Mereke qutty bolsyn, qadirli jerlester!», – dedi Nurlybek Mashbekuly.
Gala kontsertte estrada ánshileri J.Ysqaqova, G.Orazymbetova, M.Sádýaqasova, J.Tólebai «Bizdiń Qyzylorda» ánin shyrqady. Sondai-aq, K.Álimjan, T.Tóráli, O.Nuraliev, taǵy basqa ónerpazdar kórermenge kóterińki kóńil-kúi syilady.
Sahna sáni, bi qoiylymdary men beinerolikter, arnaiy daiyndalǵan taqyryptyq dron shoý Qala kúniniń mazmunyn baiyta tústi. Saltanatty sharanyń sharyqtaý sheginde mereke aspanyn myń boiaýly otshashýlar jarqyratty.
