2025 jylǵy 17 qazanda Aýezov aýdanynyń jastarǵa arnalǵan komiýniti-ortalyǵynda «Taza Qazaqstan» respýblikalyq aktsiiasy aiasynda «Plastic Hunt» atty ekologiialyq shara ótti. Bul is-sharanyń maqsaty belsendi jastardy biriktirip, ekologiialyq mádenietti qalyptastyrý men qorshaǵan ortany qorǵaýǵa degen jaýapkershilikti arttyrý bolǵan, dep habarlaidy Dalanews.kz.
Shara barysynda qatysýshylar qoldanylǵan plastikalyq bótelkeler men qaptamalardy jinap, arnaiy qurylǵyǵa tapsyryp, qaita óńdeýge jiberdi. Aktsiia jastardyń ekologiialyq sanasyn damytýǵa jáne turmystyq qaldyqtardy suryptaý men qaita óńdeýge degen qyzyǵýshylyǵyn arttyrýǵa negizdeldi.
Is-shara aiasynda júzdegen plastik qaldyqtar jinaldy, qalany taza ári qaýipsiz etý jolyndaǵy mańyzdy qadam boldy. Komiýniti-ortalyqtyń rezidentteri barlyq qatysýshylarǵa olardyń belsendi azamattyq ustanymy men tabiǵatty qorǵaýǵa qosqan úlesi úshin alǵys bildirdi.
Aktsiiaǵa 30-ǵa jýyq belsendi jas qatysyp, 25 keliden astam plastik qaldyqtardy, bótelkeler men qaptamalardy jinady. Jinalǵan plastik arnaiy fandomatqa tapsyrylyp, qaita óńdeýge jiberildi. Bul shara jastardyń ekologiialyq oilaýyn qalyptastyrýǵa jáne turmystyq qaldyqtardy durys suryptaýǵa degen yntasyn arttyrýǵa jol ashty.
«Plastic Hunt» ekologiialyq aktsiiasy aldaǵy ýaqytta turaqty túrde ótkizilip turatyn sharaǵa ainalmaq. Ol jastardyń ekologiialyq saýattylyǵyn arttyrýǵa jáne qalanyń turaqty damýyna jastardy belsendi tartýǵa baǵyttalǵan. Kelesi aktsiiany qarasha aiynyń sońyna qarai ótkizý josparlanyp otyr, ol keńeitilgen formatta bolmaq.
Sonymen qatar, «Taza Qazaqstan» respýblikalyq kampaniiasy aiasynda qalanyń 11 komiýniti-ortalyǵynda júieli túrde túrli ekologiialyq sharalar ótkizilýde. «Taza beisenbi» aktsiiasy aiasynda apta saiyn jastar, eriktiler jáne aýdan turǵyndary ortalyqtar men qoǵamdyq keńistikter mańyndaǵy aýmaqtardy tazalaýǵa shyǵady.
Bul bastama aiasynda qaldyqtardy suryptaý boiynsha sheberlik saǵattary, turaqty damý jáne ekologiialyq ádetter jóninde túsindirý jumystary júrgiziledi. Aktsiia jastardyń ekologiialyq sanasyn nyǵaityp, turǵyndardy qalanyń tazalyǵyn saqtaýǵa septigin tigizýde.
Qazirgi tańda bul bastama megapolistiń barlyq aýdandaryn qamtyp, joǵary oqý oryndary, komiýniti-ortalyqtardaǵy jastar uiymdary jáne basqa da seriktesterdiń kúsh-jigerin biriktirýde.
