Keshe Jastar saiasaty keńesiniń otyrysy ótti. Basqosýda 2026–2028 jyldarǵa arnalǵan nashaqorlyq pen esirtki biznesine qarsy kúres jónindegi keshendi jospar jobasy talqylandy, dep habarlaidy Dalanews.kz.
Keńes múshesi ári «Dala Qyrandary» qozǵalysynyń koordinatory Meiirbolat Toitov jastar arasyndaǵy esirtkige qarsy kúresti kúsheitý jóninde birqatar naqty usynystaryn aitty. Onyń ishinde jastardy salaýatty ómir saltyna baýlý, esirtkige qarsy aqparattyq-aǵartý sharalaryn keńeitý jáne internet arqyly taratylatyn esirtki jarnamasyna tosqaýyl qoiý máseleleri kóterildi.
Jastar saiasaty keńesi ókilderiniń aitýynsha, qabyldanatyn keshendi jospar jastardyń bos ýaqytyn tiimdi ótkizýge jaǵdai jasaý, sporttyq jáne mádeni jobalardy damytý arqyly nashaqorlyqtyń aldyn alý baǵytyndaǵy jumystardy júieleýge múmkindik beredi.
«Dala Qyrandary» qozǵalysy jastar arasynda salaýatty ómir saltyn nasihattaý jáne esirtkige qarsy qoǵamdyq immýnitet qalyptastyrý baǵytyndaǵy jumystaryn jalǵastyrady.
