Qyzylordada alty jasóspirim mekteptiń ájethanasynda 10- synyp oqýshysyna shabýyl jasaǵan. Jigit túrli jaraqattar men birneshe súiek synýyn alǵan. Politsiia qylmystyq is qozǵady, dep habarlaidy Dalanews.kz.
Áleýmettik jelilerde mektep ájethanasynda túsirilgen video tarady, onda jasóspirimder toby óz qatarlasyn uryp- soǵyp jatqany beinelengen. Jariialanǵan aqparatqa sáikes, oqýshy jaq súiegi men murny synǵan, miy shaiqalyp, aýrýhanaǵa túsken. Jasóspirimge ota jasalyp, jaq súiegi temir skobalarmen bekitilgen.
Qyzylorda oblystyq politsiia departamentiniń habarlaýynsha, birneshe adam toptasyp buzaqylyq jasaý faktisi boiynsha qylmystyq is qozǵaldy. Barlyq kúdiktiler- kámeletke tolmaǵandar, olar ustalyp, politsiiaǵa jetkizildi.
«Qazirgi ýaqytta oqiǵanyń barlyq mán- jaiyn anyqtaý úshin qajetti sharalar júrgizilip jatyr. Sonymen qatar, kináli jasóspirimderdiń zańdy ókilderi balalardy tárbieleý jónindegi mindetterin tiisinshe oryndamaǵany úshin jaýapkershilikke tartylady»,- dep habarlady politsiianyń baspasóz qyzmeti.
Vedomstvo málimetinshe, mundai jaǵdailardyń aldyn alý jáne sebepterin joiý maqsatynda kámeletke tolmaǵandar isteri jónindegi komissiiaǵa (ákimdik janyndaǵy) usynys engizilgen.
