Qazaqstandyq belgili ánshi Nurlan Ónerbaev áleýmettik jelidegi paraqshasynda qaraly habar jariialap, anasynyń ómirden ótkenin jetkizdi, dep habarlaidy dalanews.kz.
Óner iesi jazbasynda anasyna degen saǵynyshy men qimastyq sezimin bildirip, aýyr qaiǵysyn oqyrmandarymen bólisti.
"Jalǵandaǵy jaryǵym sóndi. Anam 100 jasaidy deýshi edim, Allanyń esebi basqa eken ǵoi. Amal neshik. Aldyń jaryq bolsynshy, anashym", – dep jazdy ánshi.
Qaraly habardan keiin jeli qoldanýshylary men ónerdegi áriptesteri Nurlan Ónerbaevqa kóńil aityp, marqumnyń imandy bolýyn tiledi.
Kópshilik ánshiniń otbasy men jaqyndaryna sabyr, kúsh-qýat tilep, jyly lebizderin jazyp jatyr.
