Shyǵys Qazaqstan oblysynda halyqaralyq mańyzdaǵy «Omby-Maiqapshaǵai» tasjolynyń «Qalbataý-Maiqapshaǵai» ýchaskesi saltanatty túrde ashyldy, dep habarlaidy Dalanews.kz.
Bul aýqymdy joba Prezident Qasym-Jomart Toqaevtyń bastamasymen júzege asyrylyp jatqan kólik-logistika infraqurylymyn jańǵyrtý jónindegi memlekettik baǵdarlama aiasynda iske asyryldy.
Jańa jol elimiz úshin strategiialyq mańyzǵa ie. Ol halyqaralyq «Batys Eýropa-Batys Qytai» kólik dáliziniń mańyzdy bóligi jáne syrtqy saýdany, tranzittik áleýetti, ónerkásiptik yntymaqtastyqty damytýda jańa múmkindikter ashady.
Qaita jańartý jumystarynyń nátijesinde joldyń ótkizý qabileti artyp, sapasy jaqsaryp, jol qozǵalysy qaýipsizdigi qamtamasyz etilip, kásipkerlikti jáne týrizmdi damytýǵa qolaily jaǵdai jasaldy.
«Bul jol - el birliginiń jáne erteńgi kúnge degen senimniń simvoly. Ol Shyǵys Qazaqstannyń damýyna, azamattardyń ómir súrý sapasynyń jaqsarýyna jańa serpin beredi», - dedi Shyǵys Qazaqstan oblysynyń ákimi Nurymbet Saqtaǵanov.
Óńir basshysy oblys halqynyń atynan Qazaqstan Respýblikasynyń Úkimetine, Kólik ministrligine, «QazAvtoJol» ulttyq kompaniiasyna jáne jobany júzege asyrýǵa úles qosqan merdiger uiymdarǵa, injenerler men qurylysshylarǵa óz rizashylyǵyn bildirdi.
«Qalbataý-Maiqapshaǵai» ýchaskesiniń ashylýy - elimizdiń zamanaýi jol jelisin qalyptastyrýdaǵy jáne ekonomikany turaqty damytýdaǵy kezekti mańyzdy qadam bolyp otyr.
