Prokýror qazaqtardy áleýmettik jelide qorlap pikir jazǵany úshin sot aldynda jaýap berip jatqan Alika Muhamadievany 4,5 jylǵa sottaýdy surady, dep habarlaidy Dalanews.kz.
Aita keteiik, Qaraǵandyda 22 jastaǵy Alika Mýhamadievaǵa qatysty sot protsesi bastaldy. Oǵan áleýmettik jáne ulttyq arazdyqty týdyrdy degen aiyp taǵylýda.
Qylmystyq is boiynsha basty sot otyrysy Qazybek bi aýdandyq sotynda bastaldy. Is- sotqa 3 qazan kúni túsken. Qaraǵandylyq Alika Mýhamadievaǵa QR Qylmystyq kodeksiniń 174- baby , 1 bóligi- «Áleýmettik, ulttyq, rýlyq, násildik nemese dini arazdyqty órshitý» boiynsha aiyp taǵylyp otyr.
Sot málimetinshe, Mýhamadieva júk tasymaldaý jáne kiim dúkeni salasynda kásippen ainalysady.
Eske salsaq, 2025 jyldyń jazynda Threads áleýmettik jelisinde Alika Mýhamadieva salǵan postardyń qazaqstandyqtarǵa qatysty qorlaityn sózder bar degen shaǵymdardan keiin tergeý nysanyna ainaldy. Shilde aiynda ol qamaýǵa alynyp, is materialdary tergeý organdaryna joldanǵan bolatyn.
Kásipker buǵan deiin kinásin ishinara moiyndap, aitqan sózderi konteksten úzip alynǵanyn málimdegen edi. Ol kópshilikten keshirim surap, eshkimniń namysyna tiiýdi maqsat etpegenin atap ótken.
