Jambyl oblysy Moiynqum aýdanynda túngi ańshylyq kezinde 13 jastaǵy jetkinshek kóz jumdy. Aldyn ala málimet boiynsha, qaiǵyly oqiǵa 17 qazanǵa qaraǵan túni bolǵan, dep habarlaidy Dalanews.kz.
Aqparttarǵa súiensek, sol túni ańshylyqqa shyqqan balalardyń biri baiqamai óz synyptasyna oq atqan.
Politsiia málimetinshe, bul derek boiynsha "Abaisyzda adam ólimine sebep bolý" baby boiynsha sotqa deiingi tergeý bastaldy. Kúdikti anyqtalyp, politsiia bólimine jetkizilgen.
"Sonymen qatar ata-analardyń balalaryna tiisti baqylaý jasamaýy men tárbieleý mindetterin durys oryndamaǵany úshin jaýapkershilik máselesi qarastyrylyp jatyr. Nátijesinde kámeletke tolmaǵandar qarýǵa erkin qol jetkizip, túngi ýaqytta úlkenderdiń qaraýynsyz júrgen", - dep habarlady politsiia ókilderi.
Qaiǵyly jaǵdai qoǵamda balalardyń qaýipsizdigi men ata-analyq jaýapkershilik taqyrybyn qaitadan kún tártibine shyǵardy.
