"Qazgidromet" málimetinshe, aldaǵy táýlikterde eldiń soltústigi men batysynda aýa raiy qubylmaly bolady. Bul aimaqtarda jańbyr men qar aralas jaýyn jaýyp, kei jerlerde tuman túsip, jel kúsheiýi múmkin, dep habarlaidy Dalanews.kz.
Astana men Kókshetaýda aýa raiy bultty bolǵanymen, jaýyn-shashyn bolmaidy. Túnde -3…0°S aiaz, kúndiz +8…+10°S jyly bolady.
Ortalyq jáne shyǵys óńirlerde kún sýytady. Qaraǵandy, Pavlodar jáne Shyǵys Qazaqstan oblystarynda túngi aýa temperatýrasy -6…-10°S-qa deiin tómendep, kei jerlerde kóktaiǵaq baiqalady. Kúndiz +5…+10°S aralyǵynda jylynady. Semei men Óskemende kún ashyq, jaýyn-shashynsyz.
Batys aimaqtarda aýa raiy qubylmaly bolady. Batys Qazaqstan jáne Aqtóbe oblystarynda túnde jáne tańerteń tuman túsip, jańbyr men jylbysqy qar jaýady. Al Atyraý men Mańǵystaý oblystarynda kún ashyq. Túnde aýa temperatýrasy +5°S shamasynda bolsa, kúndiz +15…+18°S jyly.
Ońtústik óńirlerde jyly ári jaily aýa raiy saqtalady. Almaty, Jetisý, Túrkistan jáne Jambyl oblystarynda jaýyn-shashynsyz kún raiy kútiledi. Kúndiz +18…+26°S deiin jyly, túnde 0…+8°S aralyǵynda. Shymkent pen Tarazda kún ashyq, jeldiń ekpini baiaý bolady.
