Kásipker Maksim Baryshevtiń sózinshe, almatylyqtarǵa tegin jol júrýdi uiymdastyrýǵa tolyq múmkindik bar edi, dep habarlaidy Dalanews.kz.
Almatyda biyl qoǵamdyq kólik parkterin sýbsidiialaýǵa 100 milliard teńge bólingen. Bul shamamen ár qala turǵynyna shaqqanda 50 myń teńgeden keledi. Mundai qarajatqa almatylyqtardyń barlyǵyna tegin jol júrýdi uiymdastyrýǵa bolatyn edi. Bul týraly kásipker Maksim Baryshev málimdedi.
"2500 avtobýstyń shyǵyndary aldyn ala esepteletin mólsherde. Onyń ishinde júrgizýshilerdiń eńbekaqysy, tehnikalyq tozý jáne janarmaiǵa ketetin shyǵyndar bar. Ár avtobýsqa aiyna shamamen 3 million teńge jetkilikti. Osylai eseptegende, almatylyqtarǵa tegin jol júrýdi qamtamasyz etý úshin biýdjetten bar bolǵany 90 milliard teńge qajet bolar edi", – dedi Baryshev.
Kásipkerdiń aitýynsha, bólingen qarajattyń tiimdi jumsalýyna qoǵam men bilik tarapynan naqty baqylaý ornatý qajet.
Eske sala ketsek, buǵan deiin Oljas Baidildinov tasymaldaýshylar shyǵynmen jumys istep jatqanyn aityp, avtobýs bileti kem degende 500 teńge bolýy tiis degen pikir bildirgen edi.
