QR Tótenshe jaǵdaılar mınıstrligi Otar eldimekeni mańynda baılanys úzilgen QR Áýe qorǵanys kúshteriniń tikushaǵyna qatysty oqıǵanyń mán-jaıyn anyqtaý boıynsha izdestirý-qutqarý jumystaryn táýlik boıy júrgizýde. QR Tótenshe jaǵdaılar mınıstrliginiń Komandalyq ortalyǵynda júrgizilgen ǵaryshtyq monıtorıń barysynda Almaty oblysyndaǵy Sorbulaq kóliniń akvatorıasynda maıǵa uqsas daq anyqtaldy, dep habarlaıdy Dalanews.kz.
"TJM qutqarýshylar toby shuǵyl túrde atalǵan aımaqqa shyqty. İzdeý jumystary túngi ýaqytta da jalǵasty. Jumys barysynda Qorǵanys mınıstrligine tıesili bolýy múmkin áýe kemesiniń fragmentteri tabyldy. Oqıǵa ornynda TJM qutqarýshylary jumys isteýde. Arnaıy jabdyqtar paıdalanylýda: eholottar, ushqyshsyz ushý apparattary jáne sýasty drondary", - deıdi QR TJM baspasóz qyzmeti.
İzdestirý-qutqarý jumystaryna jeke quramnan 200-ge jýyq adam, 40 birlik tehnıka, 15 sý kóligi, 4 kınologıalyq eseptop jáne 2 TJM áýe kemesi tartylǵan.
Aıta ketsek, keshe Almaty oblysynda Qarýly Kúshter Áýe qorǵanysy kúshteriniń ES-145 tikushaǵy josparly ushý kezinde radardan joǵalyp ketti. Aldyn ala málimet boıynsha, bortta úsh ekıpaj múshesi bolǵan.
