Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda ánshi Jubanysh Jeksenulyna qatysty usaq buzaqylyq boiynsha ákimshilik is qaraldy, dep habarlaidy Dalanews.kz.
Sot materialdaryna sáikes, oqiǵa 21 shilde kúni túngi saǵat 00:30 shamasynda elordanyń halyqaralyq áýejaiynda bolǵan. Ánshi azamatsha S.-ǵa balaǵat sózder aityp, qoǵamdyq tártipke nuqsan keltirgen jáne ainaladaǵy adamdarǵa qurmetsizdik tanytqan.
Sot otyrysynda Jeksenuly óz áreketin moiyndap, sol sátte emotsiiaǵa berilgenin, istegen isine ókinip, keshirim suraitynyn málimdedi. Jábirlenýshi tarap azamatsha S. oqiǵanyń rasymen bolǵanyn rastady.
Quqyq buzýshylyq faktisi is materialdary, hattama, quqyq buzýshy men jábirlenýshiniń túsiniktemeleri, kýágerlerdiń aiǵaqtary jáne beinejazbalarmen dáleldengen.
Ákimshilik quqyq buzýshylyq týraly kodekstiń 434-baby 1-bóligine sáikes, mundai áreket úshin 20 ailyq eseptik kórsetkish (AEK) kóleminde aiyppul salý nemese 5-ten 15 táýlikke deiin ákimshilik qamaqqa alý jazasy qarastyrylǵan.
Sot Jubanysh Jeksenulynyń kinásin moiyndaýy men ókinýin jazany jeńildetetin, al oqiǵa kezinde alkogoldik ishimdik ishkenin aýyrlatatyn mán-jai retinde eskerip, oǵan 20 AEK kóleminde, iaǵni 78 640 teńge aiyppul salý týraly sheshim shyǵardy.
Sot qaýlysy áli zańdy kúshine engen joq.
