Amerikalyq qarjyger-sarapshy Djýlian Ýesttiń teńgege qatysty pikiri ainvest.com saitynda jariialandy. Ol Qazaqstannyń ulttyq valiýtasy infliatsiialyq qysymǵa ushyramaǵanda 505 teńge bolýy kerektigin aitady. Sondai-aq sheteldik maman Qazaqstan ekonomikasy eldiń uzaq merzimdi turaqtylyǵyna qaýip tóndiretin eleýli problemalarǵa tap kelip otyrǵanyn aityp, onyń attaryn da ataidy, dep habarlaidy Dalanews.kz.
Onyń aitýynsha, eldiń uzaq merzimdi turaqtylyǵyna qaýip tóndiretin eleýli problemalar mynalar:
- JIÓ-niń 60% quraityn joǵary memlekettik qaryz,
- osal óndiristik baza,
- shikizat eksportyna (munai, gaz, metaldar) degen táýeldilik,
- shikizat baǵalarynyń aýytqýy,
- Reseige táýeldilik, óte mańyzdy saýda seriktesi bola otyryp, Qazaqstanǵa rýbl baǵamyndaǵy ózgerister men sanktsiialar teris áser etip otyrady.
"Qazaqstannyń valiýtalyq naryǵy - bul ortalyq banktiń interventsiialary, infliatsiia jáne qurylymdyq táýekelderdi ushyratýǵa bolatyn joǵary stavkalarǵa ie alań. Investorlar úshin dollar túrindegi salymdar teńgeniń qunsyzdanýynan qorǵaýdy qamtamasyz etedi, biraq qyraǵylyqty talap etedi. Teńgeniń áleýetti nyǵaiýy QR Ulttyq Banktiń infliatsiiany tejep ustaý, valiýtany turaqtandyrý jáne qurylymdyq kemshilikterdi joiý qabiletine bailanysty. Sonymen qatar, dollar túrindegi aktivterdi hedjdeý quraldarymen jáne óńirlik saraptamamen salystyra ártaraptandyrylǵan strategiia ońtaily sheshim bolýy múmkin. Ázirge, teńge baǵamy osaldyq pen turaqtylyq arasynda aýytqyp tur, bir anyǵy, Qazaqstan naryǵy batyldyqty da, saqtyqty da talap etedi", delingen avtor maqalasynda.
Sarapshy alda jaittyń damýynyń úsh yqtimal stsenariiin boljaidy:
- Pessimistik boljam boiynsha, 2025 jyly 1 AQSh dollary 561,9 teńgege deiin ósedi;
- Optimistik boljam boiynsha, 1 AQSh dollarynyń quny 506,1 teńge bolýy tiis;
- Bazalyq stsenarii boiynsha, 1 AQSh dollary 533,4 teńgege baǵalanady.
Buǵan deiin saitymyzda "Teńge bir apta boiy qunsyzdanýda". Ulttyq Bank basshysy únsizdikti buzyp, málimdeme jasady" degen maqala jariialanǵan bolatyn.
