2025 jyldyń shilde aıynda Almaty qalasynda Ulttyq qaýipsizdik komıteti sheteldik áriptesterimen birlesip, qazaqstandyq azamatty kıberqylmys jasady degen kúdikpen ustady, dep habarlaıdy Dalanews.kz.

Tergeý materıaldary boıynsha, ol sheteldik kompanıalardyń serverlerine zańsyz kirip, kompúterlik derekterdi shıfrlaıtyn zıandy baǵdarlamalar ornatqan. Derekterdi qalpyna keltirý úshin krıptovalúta túrinde tólem talap etken.

Tintý barysynda kıbershabýyldardy jasaý úshin paıdalanylǵan zattaı aıǵaqtar tárkilendi.

QR UQK baspasóz qyzmeti Qylmystyq-prosestik kodekstiń 201-babynyń 1-bóligine sáıkes ózge aqparattar jarıa etýge jatpaıtynyn naqtylaıdy.