Aqmola oblysynda Astana – Qorǵaljyn tas jolynda bolǵan aýyr jol apatynan bes adam kóz jumdy, dep habarlaidy dalanews.kz.
Qaiǵyly oqiǵa 21 maýsym kúni tústen keiin tirkelgen. Jol apaty týraly alǵashqy aqparat Instagram jelisindegi 716.kz paraqshasynda jariialandy. Onda birneshe kóliktiń soqtyǵysyp, saldarynan adamdar qaza taýyp, jaraqat alǵany aitylǵan.
Aqmola oblystyq politsiia departamenti apattyń mán-jaiyn habarlady. Vedomstvo málimetinshe, tas jolda Kia, Toyota Fortuner jáne Toyota Land Cruiser kólikteri soqtyǵysqan.
Qatty soqqydan keiin eki Toyota kóligi órtenip ketken. Aldyn ala derek boiynsha, apat saldarynan bes adam qaza taýyp, taǵy bes adam túrli jaraqatpen aýrýhanaǵa jetkizilgen.
Qazir atalǵan derek boiynsha sotqa deiingi tergep-tekserý bastaldy. Mamandar jol apatynyń naqty sebebi men barlyq mán-jaiyn anyqtap jatyr.
