2025 jyly 23 shildede Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti "qyzmettik ókilettikterin asyra paidalandy" degen kúdikpen QR Energetika ministrliginiń energetikalyq qadaǵalaý jáne baqylaý komitetiniń Qyzylorda oblysy boiynsha aýmaqtyq departamenti respýblikalyq memlekettik mekemesiniń basshysyn ustady, dep habarlaidy Dalanews.kz.
QR Ulttyq qaýipsizdik komiteti baspasóz qyzmetiniń habarlaýynsha, oǵan jer qoinaýyn paidalanýshylardan júieli túrde materialdyq paida alýǵa múmkindik beretin sybailas jemqorlyq shemasyn uiymdastyrdy degen kúdik keltiriledi.
"Qazirgi ýaqytta osy adamǵa qatysty QR Qylmystyq kodeksiniń 362-baby 4-bóliginiń 3-tarmaǵy (Bilikti nemese laýazymdyq ókilettikterdi asyra paidalaný) jáne 364-baby 1-bóligi (Kásipkerlik qyzmetke zańsyz qatysý) boiynsha tergeý is-sharalary júrgizilýde", delingen habarlamada.
Qamaýda ustaý bultartpaý sharasy retinde taǵaiyndaldy.
QR Qylmystyq-protsestik kodekstiń 201-babyna sáikes sotqa deiingi tergep-tekserýdiń ózge aqparattary jariia etýge jatpaidy.
Buǵan deiin sheteldik kompaniialardyń serverlerine zańsyz kirip, kompiýterlik derekterdi shifrlaityn ziiandy baǵdarlamalar ornatyp, derekterdi qalpyna keltirý úshin kriptovaliýta túrinde tólem talap etken haker Almatyda ustalǵanyn habarlaǵanbyz.
