2025 جىلى 23 شىلدەدە ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى "قىزمەتتىك وكىلەتتىكتەرىن اسىرا پايدالاندى" دەگەن كۇدىكپەن ق ر ەنەرگەتيكا مينيسترلىگىنىڭ ەنەرگەتيكالىق قاداعالاۋ جانە باقىلاۋ كوميتەتىنىڭ قىزىلوردا وبلىسى بويىنشا اۋماقتىق دەپارتامەنتى رەسپۋبليكالىق مەملەكەتتىك مەكەمەسىنىڭ باسشىسىن ۇستادى، دەپ حابارلايدى Dalanews.kz.
ق ر ۇلتتىق قاۋىپسىزدىك كوميتەتى باسپا ءسوز قىزمەتىنىڭ حابارلاۋىنشا، وعان جەر قويناۋىن پايدالانۋشىلاردان جۇيەلى تۇردە ماتەريالدىق پايدا الۋعا مۇمكىندىك بەرەتىن سىبايلاس جەمقورلىق سحەماسىن ۇيىمداستىردى دەگەن كۇدىك كەلتىرىلەدى.
"قازىرگى ۋاقىتتا وسى ادامعا قاتىستى ق ر قىلمىستىق كودەكسىنىڭ 362-بابى 4-بولىگىنىڭ 3-تارماعى (بيلiكتi نەمەسە لاۋازىمدىق وكiلەتتiكتەردى اسىرا پايدالانۋ) جانە 364-بابى 1-بولىگى (كاسىپكەرلىك قىزمەتكە زاڭسىز قاتىسۋ) بويىنشا تەرگەۋ ءىس-شارالارى جۇرگىزىلۋدە"، دەلىنگەن حابارلامادا.
قاماۋدا ۇستاۋ بۇلتارتپاۋ شاراسى رەتىندە تاعايىندالدى.
ق ر قىلمىستىق-پروسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ وزگە اقپاراتتارى جاريا ەتۋگە جاتپايدى.
بۇعان دەيىن شەتەلدىك كومپانيالاردىڭ سەرۆەرلەرىنە زاڭسىز كىرىپ، كومپيۋتەرلىك دەرەكتەردى شيفرلايتىن زياندى باعدارلامالار ورناتىپ، دەرەكتەردى قالپىنا كەلتىرۋ ءۇشىن كريپتوۆاليۋتا تۇرىندە تولەم تالاپ ەتكەن حاكەر الماتىدا ۇستالعانىن حابارلاعانبىز.
