الماتى وبلىسىندا حالىقتىڭ ۇلتتىق رۋحىن وياتىپ, دارحان دالانى دۋمانعا بٶلەگەن «قىمىزمۇرىندىق – 2026» فەستيۆالٸ ٶز مەرەسٸنە جەتتٸ. بيىل بۇل مەرەكەگە ەلٸمٸزدٸڭ تٷكپٸر-تٷكپٸرٸ مەن الىس-جاقىن شەت ەلدەردەن 35 مىڭعا جۋىق قوناق كەلدٸ. فەستيۆالدە ۇلتتىق سپورت تٷرلەرٸنەن تٷرلٸ سايىستار ٶتٸپ, مەرەكە قورىتىندىسىندا جٷزدەن جٷيرٸك, مىڭنان تۇلپار شىققاندار ماراپاتتالدى, دەپ حابارلايدى dalanews.kz.
مەرەكە بارىسىندا مىڭجىلقىنىڭ تٶسٸن دٷبٸرلەتكەن مىڭ جىلقىنىڭ كٶرٸنٸسٸ جينالعان كٶپشٸلٸكتٸڭ نازارىن ٶزٸنە ەرەكشە اۋداردى. جەر تارپىعان جىلقىلار دٷبٸرٸن ەستٸگەندە, ەلەڭ ەتپەگەن ەل قالمادى.
دٷيٸم جۇرتتىڭ جٸگەر, نامىسىن جانىپ ٶتكەن بەيگەنٸڭ دە ورنى ەرەكشە بولدى. بيىل بۇل جارىستا ەكٸ جٷزگە جۋىق تاڭداۋلى شاباندوز باق سىنادى.
جٷلدە قورى دا قوماقتى بولدى. الامان بەيگەنٸڭ جەڭٸمپازى Jetour X70 FL Prestige اۆتوكٶلٸگٸنٸڭ يەگەرٸ اتاندى. ەكٸنشٸ ورىنعا – 2,5 ميلليون تەڭگە, ٷشٸنشٸ ورىنعا 1 ميلليون تەڭگە بەرٸلدٸ.
«تٷيە پالۋان» جارىسى دا جانكٷيەرلەر نازارىنداعى باستى بەسەكەلەردٸڭ بٸرٸنە اينالدى. بٸلەكتٸ بالۋاندار كٷش سىناساتىن سايىستىڭ جەڭٸمپازدارى دا جٷلدەلٸ سىيلىقتاردان قالىس قالعان جوق.
«قوشقار كٶتەرۋ» جارىسىن دا كٶپشٸلٸك قىزىعا تاماشالادى. سىرتتاي قاراعاندا قاراپايىم كٶرٸنگەنٸمەن, بۇل سايىس زور كٷش-قۋاتتى, تٶزٸمدٸلٸكتٸ, قولدىڭ قارىمىن جەنە دۇرىس ەدٸس-تەسٸلدٸ تالاپ ەتەدٸ. دەستٷر بويىنشا قوشقاردى ەڭ كٶپ كٶتەرگەن سپورتشى ونى ٶز جٷلدەسٸ رەتٸندە الدى.
«الىپتار سايىسىندا» قاتىسۋشىلار نايزا لاقتىرۋ, تەمٸر شىبىق ييۋ, اۋىر تاستى كٶتەرٸپ جٷرۋ, 100 كەلٸلٸك بٶرەنەمەن جاتتىعۋ جەنە 500 كەلٸلٸك اربانى سٷيرەۋ سەكٸلدٸ قيىن اكروباتيكالىق تەسٸلدەردٸ كٶرسەتتٸ. سايىس جەڭٸمپازى 1,5 ميلليون تەڭگە كٶلەمٸندەگٸ باس جٷلدەنٸ يەلەنسە, ٶزگە جٷلدەگەرلەرگە دە قوماقتى اقشالاي سىياقىلار تابىستالدى.
نەگٸزگٸ جارىستاردان بٶلەك فەستيۆالدە قول كٷرەسٸ, ارقان تارتۋ, توعىزقۇمالاق, شاحمات, قوي قىرقۋ جەنە كٶشپەلٸ ٶمٸردٸڭ اجىراماس بٶلٸگٸنە اينالعان ٶزگە دە ۇلتتىق سايىستار ٶتكٸزٸلدٸ.
قارقارا جايلاۋىندا ۇيىمداستىرىلعان بۇل مەرەكە ۇلتتىق سپورتتىڭ مەرەيٸن ٷستەم ەتٸپ, قازاق حالقىنىڭ رۋحاني قۇندىلىقتارىن دەرٸپتەگەن ماڭىزدى مەدەني شارا رەتٸندە ەستە قالدى.
